ટંકારાના નસીતપર ગામે ધરતી સ્પિનિંગ મિલમાં પગારના બાકી રૂપિયા માંગતા યુવાનને માર પડ્યો !

ટંકારાના નસીતપર ગામની સીમમાં આવેલ ધરતી સ્પિનિંગ મિલમાં મજૂરી કરનારા યુવાનને પગાર રૂપિયા લેવા હતા જેથી તેને રૂપિયા માટે કંપનીના મેનેજરને ફોન કર્યો હતો અને જે મેનેજરને સારું નહિ લગતા કંપનીના મેનેજરે લેબર ક્વાર્ટર પાસે યુવાનને ગાળો આપી હતી અને ધોકા વડે મારમારીને ઇજા કરી હતી જેથી ઇજા પામેલા યુવાને સારવાર લીધા બાદ નોંધાવેલ ફરિયાદ આધારે પોલીસે હાલમાં એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરેલ છે

પડધરી તાલુકાના ખામટા ગામના રહેવાસી વિજયભાઈ કાનજીભાઈ વાઘેલા (29)એ હાલમાં ધરતી સ્પિનિંગ મિલના મેનેજર સંતોષભાઈ પટેલ સામે ટંકારા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે ધરતી સ્પિનિંગ મિલમાં તેમને પગાર લેવાનો બાકી નીકળતો હોય તે રૂપિયા લેવા માટે તેણે કંપનીના મેનેજરને ફોન કર્યો હતો અને જે મેનેજરને સારું નહીં લાગતા ધરતી સ્પિનિંગ મિલના લેબર ક્વાર્ટર પાસે ફરિયાદીને જેમ ફાવે તેમ ગાળો આપી હતી અને ત્યારબાદ ધોકા વડે મારમારીને શરીરે ઇજાઓ કરી હતી જેથી ઈજા પામેલ યુવાને સારવાર લીધા બાદ હાલમાં ટંકારા તાલુકા પોલીસ સ્ટેશન ખાતે નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.