હળવદમાં કૌટુંબિક બહેનનો પીછો કરતો હોવાની શંકા રાખીને યુવાન ઉપર છરી વડે જીવલેણ હુમલો

હળવદના ટીકર ગામે કૌટુંબિક બહેનની પાછળ જતો હોવાની શંકા રાખીને યુવાન ઉપર એક શખ્સે છરી વડે હુમલો કર્યો હતો અને યુવાનને પેટ, ગળાની હાંસળીની નીચે છાતીના ભાગે છરીના ઘા માર્યા હતા જેથી કરીને તે યુવાનને ગંભીર ઇજા થઈ હતી જેથી કરીને ઇજા પામેલા યુવાનને સારવાર માટે પ્રથમ હળવદ અને ત્યાંથી વધુ સારવાર માટે અમદાવાદ સુધી લઈ ગયા હતા આ બનાવ સંદર્ભે હાલમાં ભોગ બનેલ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

હળવદ તાલુકાના ટીકર ગામે રહેતા અને ઇલેક્ટ્રીકની દુકાન ધરાવતા મહોમદઅયાઝ વારીશભાઈ કગથરા (22) નામના યુવાને ફિરોજ સલીમભાઈ સંધિ રહે. ટીકર વાળા સામે ફરિયાદ નોંધાવેલ છે જેમાં જણાવ્યુ છે કે, આરોપીએ તેના કાકા સુમારભાઈની દીકરી રૂકસાનાની પાછળ ફરિયાદી જતો હોવાની શંકા અને વહેમ રાખીને તેને ગાળો આપી હતી અને ત્યારબાદ છરી વડે હુમલો કરીને પેટના ડાબી બાજુના પડખાના ભાગે, જમણા હાથના બાવળામાં, જમણી બાજુ ગળાની હાંસળીની નીચેના ભાગમાં છાતી પાસે છરીના ઘા માર્યા હતા જેથી ગંભીર ઇજા પામેલા યુવાને સારવાર માટે પ્રથમ હળવદ અને ત્યાંથી વધુ સારવાર માટે અમદાવાદ ખાતે લઈ ગયા હતા અને ત્યારબાદ ભોગ બનેલ યુવાને નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે