મોરબીના ટીંબડી નજીક બાઇક અને કન્ટેનર વચ્ચે અકસ્માતમાં એકનું આધેડનું મોત, બેને ઇજા
SHARE
JOIN OUR GROUP
મોરબીના ટીંબડી નજીક બાઇક અને કન્ટેનર વચ્ચે અકસ્માતમાં એકનું આધેડનું મોત, બેને ઇજા
મોરબી માળિયા હાઈવે ઉપર ટીંબડી ગામના પાટીયા પાસે ગંભીર અકસ્માત સર્જાયો હતો. જેમાં ટ્રિપલ સવારી બાઈકને ટ્રક ચાલકે હડફેટે લેતા બાઇક ઉપર જઇ રહેલા ત્રણ શખ્સો પૈકીનાં એક આધેડનું મોત નીપજયું હતું અને બે વ્યક્તિને ઇજા થતાં તેને સારવાર માટે લઈ ગયા હતા.
જાણવા મળતી માહિતી મુજબ મોરબી માળિયા હાઈવે ઉપર ટીંબડી ગામના પાટીયા ગઇકાલે અકસ્માત થયો હતો જેમાં ટ્રિપલ સવાર બાઈકને ટ્રક ચાલકે હડફેટે લેતા ખોડાભાઈ કાનજીભાઇ ધનધણિયા (58) રહે. ત્રાજપર પાછળ નીલકંઠ સોસાયટી મોરબી વાળાને ગંભીર ઈજા થઈ હતી જેથી તેનું ઘટના સ્થળે જ મોત નીપજયું હતુ જયારે બાઈક ઉપર જઇ રહેલા બાકીના બે પૈકીનાં મનોજભાઇ વીરજીભાઇ રાંદલપરા (27) રહે, પીપળી અને અન્ય એક એમ કુલ બે વ્યક્તિઓને ઈજા થતાં તેને સારવાર માટે હોસ્પિટલમાં ખસેડવામાં આવ્યો હતો આ બનાવની તાલુકા પોલીસને જાણ કરતાં પોલીસે ફરિયાદ લેવા માટેની તજવીજ શરૂ કરી છે.
