મોરબીમાં હિમાલય સેલ્સ એજન્સીના ગોડાઉનમાંથી ડુપ્લીકેટ બાબુ ચુનાના પાર્સલનો જથ્થો મળ્યો: બે સામે ફરિયાદ
SHARE
JOIN OUR GROUP
મોરબીમાં હિમાલય સેલ્સ એજન્સીના ગોડાઉનમાંથી ડુપ્લીકેટ બાબુ ચુનાના પાર્સલનો જથ્થો મળ્યો: બે સામે ફરિયાદ
મોરબીમાં અગાઉ દવા ડુપ્લીકેટ, દારૂ ડુપ્લીકેટ વિગેરે વસ્તુઓ ડુપ્લીકેટ મળી છે ત્યારબાદ હવે બાબુ લાઈમ ચૂનો પણ ડુપ્લીકેટ મળતો હોય તેવો ઘાટ જોવા મળ્યો છે મોરબીના સનાળા રોડ ઉપર આવેલ જીઆઇડીસીમાં ઇન્ડસ્ટ્રીયલ એસ્ટેટ શેડ નં. કે1-49 ખાતે આવેલ હિમાલય સેલ્સ એજન્સીના ગોડાઉનમાં બાબુ લાઈમ પ્રા.લી. કંપની વાળાએ તપાસ કરી હતી ત્યારે ત્યાંથી તેના ડુપ્લીકેટ બાબુ પાર્સલના ચુનાનો જથ્થો મળી આવેલ હતો જેથી મોરબી એ ડિવિઝન પોલીસ સ્ટેશન ખાતે બે શખ્સોની સામે ફરિયાદ નોંધાવવામાં આવતા પોલીસે ગુનો નોંધીને કાર્યવાહી કરેલ છે.
રાજકોટમાં ગોંડલ રોડ ઉપર શિવાલિક પાછળ આવેલ ઉદ્યોગનગર કોલોનીમાં રહેતા યોગેશભાઈ ધીરજલાલ પરમાર (32)એ હાલમાં મોરબી એ ડિવિઝન પોલીસ સ્ટેશન ખાતે અરવિંદભાઈ છગનભાઈ કાસુંદ્રા (50) રહે. શ્રીકુંજ સોસાયટી કેનાલ રોડ એપાર્ટમેન્ટ બ્લોક નં- 3 મોરબી તથા સુનિલભાઈ રહે. વાંકાનેર વાળા સામે ફરિયાદ નોંધાવેલ છે જેમાં જણાવ્યું છે કે તેઓની બાબુ લાઈન પ્રા. લિ. ની કોપીરેટ રજીસ્ટર કરાવેલ છે અને તેમની કંપનીની સ્પેશિયલ ફોડેલો ચૂનો કાળા અક્ષરે ગુજરાતીમાં લખેલ છે તથા હિન્દી અને અંગ્રેજીમાં બાબુ પાર્સલ લખેલ છે જે ડિઝાઇન તથા લખાણ વાળા પેકિંગમાં બાબુ પાર્સલ નામે ચૂનાનું પેકિંગ કરી તેઓ વેચાણ કરે છે તે મુજબના જ આરોપીઓ પાસેથી બાબુ પાર્સલના લેબલની કોપી કરેલ ચૂનાના પાર્સલના 38 થેલા મળી આવ્યા હતા જે એક થેલાની કિંમત 350 રૂપિય આમ કુલ મળીને 13,300 ની કિંમતનો મુદ્દામાલ મળી આવ્યો હતો અને આ માલ તેને આરોપી સુનિલભાઈ પાસેથી લીધેલ હોવાનું સામે આવ્યું હતું જેથી કરીને બંને સામે એ ડિવિઝન પોલીસ સ્ટેશન ખાતે કોપીરાઇટ એક્ટના ભંગ બદલ ફરિયાદ નોંધાવતાં પોલીસે ગુનો નોંધીને એક આરોપીને પકડીને બીજા આરોપીને પકડવા માટેની તજવીજ હાથ ધરી છે.
