મોરબીના જાંબુડીયા ગામે જાહેરમાં જુગાર રમતા 3 શખ્સ પકડાયા

મોરબીના જાંબુડીયા ગામે જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપર જુગાર રમતા ત્રણ શખ્સો મળી આવ્યા હતા જેથી પોલીસે તેની પાસેથી 14,700 ની રોકડ કબજે કરી હતી અને તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

મોરબી તાલુકા પોલીસની ટીમ પેટ્રોલિંગમાં હતી ત્યારે જાંબુડીયા ગામે જાહેરમાં જુગાર રમતા હોવાની હકીકત મળી હતી જેના આધારે ત્યાં જુગારની રેડ કરવામાં આવી હતી ત્યારે સ્થળ ઉપરથી નિલેશભાઈ દિનેશભાઈ મજેઠીયા રહે. સોઓરડી મોરબી, કેતનભાઇ મુકેશભાઈ સિરોહીયા રહે. જાંબુડીયા તથા અજયભાઈ માણેકલાલ ત્રિવેદી રહે. જુના હાઉસિંગ બોર્ડ પાછળ મોરબી વાળા જુગાર રમતા મળી આવ્યા હોય પોલીસે 14,700 ની રોકડ સાથે તેની ધરપકડ કરી હતી અને મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

વરલી જુગાર

હળવદમાં આવેલ સામંતસર તળાવ પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી રાજેશભાઈ ઉર્ફે પીન્ટુ પ્રવીણભાઈ પરમાર (32) રહે. હળવદ વાળો વરલી જુગારના આંકડા લેતા મળી આવેલ હોય પોલીસે 1200 રૂપિયાની રોકડ ખાતે તેની ધરપકડ કરી છે અને ગુનો નોંધીને રાબેતા મુજબની કાર્યવાહી કરેલ છે.