મોરબીના વાવડી રોડ ઉપર પોલીસ ફરિયાદ કરી હોવાનો રોષ રાખી યુવાનો ઉપર પાઇપ અને લોખંડના ઘણ વડે હુમલો
SHARE
JOIN OUR GROUP
મોરબીના વાવડી રોડ ઉપર પોલીસ ફરિયાદ કરી હોવાનો રોષ રાખી યુવાનો ઉપર પાઇપ અને લોખંડના ઘણ વડે હુમલો
મોરબીના વાવડી રોડ ઉપર આવેલ મનીષ વિદ્યાલય પાસેથી યુવાન પસાર થતો હતો.ત્યારે તેના ઉપર લોખંડના પાઇપ અને લોખંડના ઘણ(હથોડો) વડે હુમલો કરવામાં આવ્યો હતો.જેથી યુવાને સારવાર બાદ ફરિયાદ નોંધાવતા પોલીસે તપાસ શરૂ કરી છે.
હાલમાં મોરબી સીટી એ ડિવિઝન પોલીસ મથક ખાતે હરેશભાઈ જલાભાઈ દેવસુર ગઢવી (૨૮) રહે.વાવડી ગામ સુમતિનાથ સોસાયટીએ સામેવાળા સલીમ ઉર્ફે સલો, બાબુ સંધિ તથા મકબુલ સંધિ રહે.ત્રણેય મોરબી સામે ફરિયાદ નોંધાવી જણાવ્યું હતું કે, અગાઉ ફરિયાદીએ સામેવાળા ઉપર પોલીસ ફરિયાદ કરી હતી.અને તેઓ રસ્તામાં સામસામે મળી જતા એકબીજા સામે કાતરૂ મારતા હતા.તે બાબતનો રોષ રાખીને ઉપરોક્ત ત્રણેય ઇસમોએ લોખંડના ઘણ તથા પાઇપ વડે ફરિયાદી હરેશભાઇને બંને પગે અને ખંભાના ભાગે માર માર્યો હતો.ફેક્ચર જેવી ગંભીર ઇજા પહોંચાડી જાનથી મારી નાંખવાની ધમકી આપી હતી.હાલ આ બાબતે ગુનો નોંધાતા પીએસઆઇ એન.આર.વાણીયા દ્વારા આગળની તપાસ શરૂ કરવામાં આવી છે.
મારામારીમાં ઈજા
મોરબીના સામાકાંઠે માળિયા ફાટક નજીક આવેલ કાંતિનગર વિસ્તારમાં રહેતા દિનેશભાઈ લક્ષ્મણભાઈ રીણીયા કોળી નામનો ૩૨ વર્ષના યુવાન સર્કિટ હાઉસ પાસેના બસ સ્ટેશનની બેંચ ઉપર સૂતો હતો.ત્યારે ત્રણ-ચાર લોકોએ "અહીં સુવું નહીં" તેમ કહીને ધોલ ધપાટ કરી હતી.તે દરમ્યાન તે નીચે પડી જતા નીચે પડેલો પાણો દિનેશને છાતીના ભાગમાં વાગ્યો હોય દિનેશભાઈ કોળીને અહીં સિવિલે સારવાર માટે લાવવામાં આવ્યો હતો.બનાવને પગલે બી ડિવિઝન પોલીસ મથકના પંકજભાઈ ગુઢડા દ્વારા નોંધ કરીને તપાસ કરવામાં આવી હતી.જ્યારે મોરબીના વીસીપરા કુલીનગર શેરી નંબર-૨ માં રહેતા રાહુલ દિનેશભાઈ કોળી નામના ૧૮ વર્ષના યુવાનને રાત્રીના બે વાગ્યાના અરસામાં મારામારીના બનાવમાં માથાના ભાગે ઈજા થઈ હતી.તેથી તેને સિવિલે સારવાર માટે લાવવામાં આવ્યો હતો.બનાવ અંગે જાણ થતા સ્ટાફના સતિષભાઈ ગળચર દ્વારા નોંધ કરીને તપાસ કરવામાં આવી હતી.
દારૂ સાથે પકડાયો
મોરબી બી ડિવિઝન પોલીસે મોરબી વીસીપરાથી અમરેલી ગામ તરફ જતા રસ્તે કોલસાના ડેલા પાસેથી નિકળેલા એક ઇસમને અટકાવ્યો હતો.તેની ઝડતી લેતા તેની પાસેથી દારૂનું એક નાનું ચપલુ મળી આવતા રૂપિયા ૧૮૦ ની કિંમતના દારૂ સાથે જલ્પેશ જગદીશ ધંધુકિયા કોળી (૨૨) રહે.રણછોડનગર શેરી નંબર-૧ સાંઈબાબાના મંદિર પાસે નવલખી રોડ મોરબી ની અટકાયત કરી તેની સામે ગુનો દાખલ કર્યો હતો.
