મોરબી રવાપર ચોકડી પાસેથી રોકડ રકમ મળી, જેની હોય તેણે સંપર્ક કરવો
Morbi Today
ભારતના ખેડૂત નેતા રાકેશ ટીકેતની હાજરીમાં મોરબીના રવાપર ગામે યોજાશે કિસાન મહાસભા
SHARE
JOIN OUR GROUP
ભારતના ખેડૂત નેતા રાકેશ ટીકેતની હાજરીમાં મોરબીના રવાપર ગામે યોજાશે કિસાન મહાસભા
મોરબી જિલ્લામાંથી શરૂ થયેલ ખેડૂત આંદોલન સમગ્ર ગુજરાતના જિલ્લાઓ સુધી પહોંચી ગયું છે ત્યારે આગામી સમયમાં મોરબીના રવાપર ગામે ભારતના ખેડૂત આગેવાન રાકેશ ટિકેતની હાજરીમાં કિસાન મહાસભાનું આયોજન કરવામાં આવ્યું છે જેમાં મોટી સંખ્યામાં ખેડૂતોને હાજર રહેવા માટે પાટીદાર યુવા સેવા સંઘના આગેવાન મનોજ પનારા દ્વારા આહવાન કરવામાં આવ્યું છે
મોરબી જિલ્લાના જેતપર ગામેથી ખેડૂતો દ્વારા ખાનગી વીજ કંપની પાસેથી પૂરતું વળતર મેળવવા માટે થઈને આંદોલન શરૂ કરવામાં આવી છે અને ત્યારબાદ જુદા જુદા જિલ્લાઓની અંદર ખેડૂતો દ્વારા કોઈપણ પક્ષના રાજકીય આગેવાનોને સાથે રાખ્યા વગર બિન રાજકીય આંદોલન કરવામાં આવી રહ્યા છે અને આવેદનપત્રો આપવામાં આવી રહ્યા છે તેવામાં મોરબી પાટીદાર યુવા સેવા સંઘના આગેવાન મનોજ પનારાએ માહિતી આપતા જણાવ્યું હતું કે આગામી તા 8/8/2026 ના રોજ રાત્રે 8:00 વાગ્યે મોરબી નજીકના રવાપર ગામે આવેલ કેપિટલ માર્કેટના ગ્રાઉન્ડમાં ભારતના ખેડૂત નેતા રાકેશ ટીકેતની હાજરીમાં કિસાન મહાસભાનું આયોજન કરવામાં આવ્યું છે અને તેમાં તેઓની સાથે તેઓની ટીમના રાષ્ટ્રીય મહાસચિવ યદુવીરસિંહ, રાજસ્થાનના કિસાન આગેવાન હિંમતસિંહ ગુર્જર સહિતના આવવાના છે ત્યારે સૌ પ્રથમ રાકેશ ટિકેતજી જેતપર ગામે ચાલતા ખેડૂતો આંદોલનમાં ગુજરાત ખેડૂત છાવણીની મુલાકાત લેશે અને ખેડૂતોના પ્રશ્નો અને માહિતી મેળવશે. ત્યારબાદ રવાપર ગામે રાતે આઠ વાગ્યે જાહેર સભા યોજવાની છે આ સભામાં મોટી સંખ્યામાં ખેડૂતોએ હાજર રહેવા માટે થઈને આહવાન કરવામાં આવ્યું છે
