મોરબી જિલ્લાના હોટેલ-રેસ્ટોરન્ટના સંચાલકોને બાળમજૂરી પ્રથા નાબૂદી વિશેષ જાગૃત કરવા કાર્યક્રમ યોજાયો
Morbi Today
મોરબીમાં જિલ્લા કક્ષાની ચિત્ર, વક્તૃત્વ અને રંગોળી સ્પર્ધાનું આયોજન: હળવદમાં સેવા સેતુ કાર્યક્રમો યોજાશે
SHARE
JOIN OUR GROUP
મોરબીમાં જિલ્લા કક્ષાની ચિત્ર, વક્તૃત્વ અને રંગોળી સ્પર્ધાનું આયોજન: હળવદમાં સેવા સેતુ કાર્યક્રમો યોજાશે
સેવા સંકલ્પ અભિયાન અંતર્ગત મોરબીમાં જિલ્લા કક્ષાની ચિત્ર, વક્તૃત્વ અને રંગોળી સ્પર્ધાનું આયોજન કરવામાં આવ્યું છે તો સરકારની વિવિધ કલ્યાણકારી યોજનાઓનો લાભ હળવદના લોકોને એક જ સ્થળેથી મળી રહે તેમજ વિવિધ યોજનાઓનો વ્યાપ છેવાડાના માનવી સુધી પહોંચે તે હેતુસર હળવદ નગરપાલિકા દ્વારા ૨ દિવસ સેવા સેતુ કાર્યક્રમનું આયોજન કરવામાં આવ્યું છે.
સેવા સંકલ્પ અભિયાન અંતર્ગત મોરબીમાં જિલ્લામાં પ્રાથમિક અને માધ્યમિક/ ઉચ્ચ માધ્યમિકના વિદ્યાર્થીઓની જિલ્લા કક્ષાની ચિત્ર, વક્તૃત્વ અને રંગોળી સ્પર્ધાનું આયોજન તા.૦૩/૧૦/૨૦૨૬ ના રોજ સવારે ૦૮:૩૦ કલાકે, જ્ઞાન શક્તિ રેસીડેન્સી સ્કુલ, સ્વામિનારાયણ ગુરુકુળ, ધરમપુર, મોરબી ખાતે કરવામાં આવ્યું છે આ સ્પર્ધામાં મોરબીના લોકોને ઉપસ્થિત રહી બાળકોને પ્રોત્સાહિત કરવા માટે મોરબી જિલ્લા તંત્ર દ્વારા નિમંત્રણ આપવામાં આવ્યું છે.
હળવદ શહેરમાં તા. ૦૧/૧૦/૨૦૨૬, ગુરુવારના રોજ રાજોધરજી હાઇસ્કૂલ ખાતે તેમજ તા. ૦૩/૧૦/૨૦૨૬ના રોજ પટેલ વાડી ખાતે સવારે ૯:૦૦થી સાંજે ૫:૦૦ કલાક સુધી સેવા સેતુ કાર્યક્રમ યોજાશે. આ સેવા સેતુ કાર્યક્રમ દરમિયાન સરકારના વિવિધ વિભાગો હેઠળ આવતી વિવિધ સેવાઓ અને કલ્યાણકારી યોજનાઓનો લાભ નાગરિકોને સ્થળ પર જ ઉપલબ્ધ કરાવવામાં આવશે. હળવદ નગરપાલિકા દ્વારા શહેરના તમામ નાગરિકોને આ સેવા સેતુ કાર્યક્રમમાં ઉપસ્થિત રહી સરકારની વિવિધ યોજના અને સેવાઓનો મહત્તમ લાભ લેવા અનુરોધ કરવામાં આવે છે.
