ટંકારા નજીક ઇ-સ્કૂટીને ટેન્કર ચાલકે હડફેટે લેતા ટાયરના જોટામાં આવી જવાથી આધેડનું મોત
Morbi Today
માળીયા (મી)ના સરવડ અને જૂના અંજીયાસર ગામે જુગારની 2 રેડમાં 9 શખ્સ પકડાયા
SHARE
JOIN OUR GROUP
માળીયા (મી)ના સરવડ અને જૂના અંજીયાસર ગામે જુગારની 2 રેડમાં 9 શખ્સ પકડાયા
માળીયા મીયાણા તાલુકાના સરવડ અને જૂના અંજીયાસર ગામે જુગારની જુદીજુદી બે રેડ કરવામાં આવી હતી જેમાં કુલ મળીને 9 શખ્સોને જુગાર રમતા પકડી લેવામાં આવેલ છે અને તેઓની સામે માળીયા તાલુકા પોલીસ સ્ટેશન ખાતે જુગારના જુદાજુદા બે ગુના નોંધીને પોલીસે આગળની કાર્યવાહી હાથ ધરી છે.
માળીયા મીયાણા તાલુકાના સરવડ ગામે હરિભાઈ વલમજીભાઇ પીઠડીયાની દુકાને જુગાર રમતા હોવાની ચોક્કસ હકીકત મળી હતી જેના આધારે સ્થાનિક પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા દુકાનદાર હરિભાઈ વલમજીભાઈ પીઠડીયા (65) તથા રમેશભાઈ ભગવાનજીભાઈ કાવર (58) રહે. નાનાભેલા, હિંમતભાઈ રતિલાલભાઈ લોદરીયા (43) રહે. સરવડ, રમેશભાઈ વાઘજીભાઈ વરસડા (59) રહે સરવડ અને રમેશભાઈ મહાદેવભાઇ આદ્રોજા (55) રહે. સરવડ વાળા મળી આવ્યા હોય પોલીસે તેની પાસેથી 54,960 ની રોકડ કબજે કરી હતી જયારે માળીયા મીયાણાના જુના અંજીયાસર ગામે સરકારી શાળાની બાજુમાં જાહેરમાં સ્ટ્રીટ લાઇટના અજવાળે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે જુગાર રમતા અકબરભાઈ દાઉદભાઈ ભટ્ટી (45), રમજાનભાઈ હારુનભાઈ ભટ્ટી (32), જુનુસભાઈ ગુલામહુસેન ભટ્ટી (36) રહે. જુના અંજીયાસર, હનીફભાઈ અકબરભાઈ ભટ્ટી (30) રહે. જુના અંજીયાસર વાળા મળી આવ્યા હોય પોલીસે તેની પાસેથી 10,250 ની રોકડ કબજે કરી હતી અને માળિયા મીયાણા તાલુકા પોલીસ સ્ટેશન ખાતે ગુનો નોંધાયો છે.
