મોરબીના બેલા ગામ પાસે કારખાનામાં આઇસર અને દીવાલ વચ્ચે દબાઈ જવાથી યુવાનનું મોત

મોરબીના બેલા ગામની સીમમાં આવેલ સીરામીક કારખાનાના માટી વિભાગમાં આઇસર ચાલુ રાખીને યુવાન જમવા માટે જતો હતો ત્યારે અચાનક આઇસર પોતાની જાતે દડવા (રડવા) લાગ્યું હતું જેથી આઇસરને રોકવા માટે ગયેલ યુવાન દીવાલ અને આઇસરની વચ્ચે દબાઈ ગયો હતો જેથી તેને માથા અને શરીરે ગંભીર ઇજા થઈ હોવાથી તે યુવાનનું મોત નીપજયું હતું અને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબી તાલુકાના પીપળી ગામે રહેતા નજીરહુસેન મનીરહુસૈન અન્સારી (24) નામનો યુવાન બેલા ગામ નજીક આવેલ વીકોન સીરામીક કારખાના માટી વિભાગમાં પોતાનું આઇસર નંબર જીજે 12 બીપી 2901 ચાલુ રાખીને જમવા જતો હતો દરમિયાન આઇસર ટ્રક જાતે દડવા (રડવા) લાગ્યું હતું જેથી આઇસર ટ્રકને આગળના ભાગે ઉભું રાખવા જતાં આઇસર અને દિવાલની વચ્ચે આવી જવાના કારણે યુવાનને માથા અને શરીરે ગંભીર ઇજા થઈ હતી જેથી તેનું મોત નીપજ્યું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની સાહેબઅલી સરદાર અન્સારી રહે. પીપળી મૂળ રહે. યુપી વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે