મોરબી જિલ્લા આમ આદમી પાર્ટી દ્વારા જિલ્લાની બુથ સમીક્ષા બેઠક યોજાઇ

મોરબી જીલ્લામાં આમ આદમી પાર્ટી ધીરે ધીરે મજબૂત બની રહી છે અને મોરબી સહિત ગુજરાતના દરેક ગામોમાં પોતાના કાર્યકર્તાઓની ટિમ વિશાળ બની રહી છે ત્યારે ત્યારે આગામી ચૂંટણી પહેલા દિલ્હીના આપના ધારાસભ્યની હાજરીમાં મોરબી જિલ્લા આમ આદમી પાર્ટી દ્વારા જિલ્લાની બુથ સમીક્ષા બેઠક યોજાઇ હતી

આમ આદમી પાર્ટી મોરબી જિલ્લા પ્રમુખ યોગેશ રંગપડીયાની આગેવાનીમાં બુથ સમીક્ષા બેઠકનું આયોજન કરવામાં આવેલ હતું જેમાં દિલ્હી સરકારના ધારાસભ્ય તેમજ આમ આદમી પાર્ટી ગુજરાત પ્રદેશ પ્રભારી ગુલાબસિંહ યાદવ તેમજ આમ આદમી પાર્ટી ગુજરાત પ્રદેશ મહામંત્રી મનોજભાઈ સોરઠીયા ઉપસ્થિત રહેલ હતા આ સમીક્ષા બેઠકમાં આમ આદમી પાર્ટી મોરબી દ્વારા તાજેતરમાં આમ આદમી પાર્ટી દ્વારા શરૂ કરવામાં જનસંવેદના યાત્રા વિશે તેમજ આગામી સમયમાં આવનાર તમામ ચૂંટણીઓમાં લડાઈ કરવા માટે સંગઠનને વધુ મજબૂત બનાવવા પર ચર્ચા કરવામાં આવી હતી આગામી સમયમાં આમ આદમી પાર્ટી ગુજરાતના તમામ બુથો સુધી જઇ પોતાના કાર્યકર્તાની નિમણૂક કરશે. આ બેઠકમાં મોરબી શહેર, મોરબી તાલુકા, હળવદ તાલુકા, વાંકાનેર તાલુકા, માળીયા મીયાણા તાલુકા તેમજ ટંકારા તાલુકાની ટીમ હાજર રહેલ હતી આ બેઠકમાં ૭૦ નવા કાર્યકર્તાઓનું આમ આદમી પાર્ટીમાં સ્વાગત કરવામાં આવ્યું હતું ત્યારે આમ આદમી પાર્ટી મોરબી જિલ્લાના મહિલા મોરચાના પ્રમુખ તરીકે રશ્મિબેન વરમોરા તેમજ ઉપપ્રમુખ તરીકે જ્યોત્સનાબેન ચૌહાણ અને જ્યોતિબેન પરમારની નિમણૂક કરવામાં આવેલ છે