ટંકારાના નેકનામ ગામે રહેતા યુવાને વ્યાજે લીધેલ 29.70 લાખ સામે 2.05 કરોડ પડાવી લીધા છતાં વધુ 50 લાખની ઉઘરાણી

ટંકારાના નેકનામ ગામે રહેતા યુવાને તેના દીકરા અને દીકરીના લગ્ન તથા મકાનના રિનોવેશન કામ માટે રૂપિયાની જરૂર હતી જેથી કરીને 29.70 લાખ 20 ટકાના વ્યાજે લીધેલા હતા જેની સામે અત્યાર સુધીમાં તેને 2.05 કરોડ રૂપિયા ચૂકવી દીધા છે તેમ છતાં પણ તેની પાસેથી વધુ 50 લાખ રૂપિયાની ઉઘરાણી કરવામાં આવી રહી છે અને ધમકી આપવામાં આવે છે જેથી યુવાન દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

ટંકારા તાલુકાના નેકનામ ગામે પાટીદાર કારખાનાની બાજુમાં રહેતા લીંબાભાઇ માંડાભાઇ લામકા (42)એ ટંકારા તાલુકા પોલીસ સ્ટેશન ખાતે રાજેન્દ્રસિંહ ઉર્ફે રાજુભા દેવભા ઝાલા તથા વિક્રમસિંહ રાજુભા ઝાલા રહે. બંને નેકનામ વાળાની સામે ફરિયાદ નોંધાવી છે જેમાં જણાવ્યુ છે કે, વર્ષ 2021 માં ફરિયાદીને તેના દીકરા અને દીકરીના લગ્ન તથા ઘરના રિનોવેશન કામ માટે રૂપિયાની જરૂર હતી ત્યારે તેઓએ આરોપી રાજેન્દ્રસિંહ પાસેથી 29.70 લાખ રૂપિયા 20 ટકા ના વ્યાજ લીધેલા હતા જેના બદલામાં અત્યાર સુધીમાં ફરિયાદીએ 2.05 કરોડ રૂપિયા આરોપીઓને ચૂકવી દીધા છે તો પણ ફરિયાદીને ધમકીઓ આપીને તેની પાસેથી વધુ 50 લાખની પઠાણી ઉઘરાણી કરવામાં આવી રહી છે જેથી ભોગ બનેલ યુવાન દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે