ટંકારામાં આર્યસમાજ દ્વારા આજથી શતાબ્દી મહોત્સવનો પ્રારંભ: યજ્ઞ-શોભાયાત્રા સહિતના કાર્યક્રમો યોજાયા મોરબીના મહેન્દ્રનગર પાસે પેસેન્જર રીક્ષાને અકસ્માત નડયો, એક વ્યક્તિનું રાજકોટ ખાતે મોત મોરબીના સાહિલ માજોઠીનું યુદ્ધ કેદીઓને ટ્રાન્સફર લિસ્ટમાં હાલ યુક્રેને રશિયાને નામ ન આપ્યું: સાહિલને ભારત હેમખેમ આવવા સામે પ્રશ્નાર્થ મોરબીની ઓમ શાંતિ વિદ્યાલયનો વિદ્યાર્થી કંઝારીયા જયદીપ રંગોત્સવમાં સમગ્ર ભારતમાં પ્રથમ મોરબી નજીક કારખાનાના બાથરૂમમાં અજાણ્યું ઇન્જેક્શન મારીને યુવાને કર્યો આપઘાત મોરબીમાં પરિણીતાને દુ:ખ ત્રાસ આપીને મારકૂટ કરતાં પતિ સહિત ત્રણ સામે ફરિયાદ હળવદ ભાજપ દ્વારા પંડિત દીનદયાળ ઉપાધ્યાયજીની પુણ્યતિથિ નિમિત્તે શ્રદ્ધાંજલિનો કાર્યક્રમ યોજાયો મોરબીમાં ત્રાજપર ચોકડીએ રીક્ષા પલ્ટી જતાં ઇજા પામેલ યુવાન સારવારમાં: મિલન પાર્કમાંથી બાઈકની ચોરી

Breaking news

Morbi Today

વાંકાનેરની ઢુવા ચોકડીએ દુકાન ધરાવતા વેપારી પાસેથી માલના પૈસા વસુલવા ચાર શખ્સોએ દુકાનદાર સહિત વ્યક્તિને ધોકા વડે માર માર્યો

09-02-2023 09:54 AM

વાંકાનેરની ઢુવા ચોકડીએ દુકાન ધરાવતા વેપારી પાસેથી માલના પૈસા વસુલવા ચાર શખ્સોએ દુકાનદાર સહિત વ્યક્તિને ધોકા વડે માર માર્યો

વાંકાનેરની ઢુવા ચોકડી નજીક કપડાની દુકાન ધરાવતા વેપારીએ મોરબીમાંથી કપડાના માલની ખરીદી કરી હતી અને તેના રૂપિયા આપવાના બાકી હતા જે બાબતનો ખાસ રાખીને ચાર શખ્સો તેની દુકાનમાં આવ્યા હતા અને ત્યાં આવીને ગાળો આપી હતી અને ત્યારબાદ ઢીકાપાટુનો માર માર્યો હતો અને દુકાનદારને તેમજ અન્ય એક વ્યક્તિને લાકડાના ધોકા વડે માર માર્યો હતો જેથી કરીને ઈજા પામેલ વેપારી યુવાને સારવાર લીધા બાદ વાંકાનેર તાલુકા પોલીસ સ્ટેશન ખાતે ચાર શખ્સો ની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે

મૂળ નાનીવાવડી ગામના રહેવાસી અને હાલમાં વાંકાનેર તાલુકાના ઢુવા ગામ પાસે ભવાની ચેમ્બરમાં ભાડાની રૂમમાં રહેતા ગીરીશભાઈ મેઘરાજભાઈ મોહિનાણી જાતે સિંધી લોહાણા (31)એ દીપકભાઈ સતવારા, દિપેશભાઈ સતવારા, દશરથભાઈ સતવારા રહે. ત્રણેય મોરબી અને એક અજાણ્યો વ્યક્તિ આમ કુલ મળીને ચાર શખ્સોની સામે ફરિયાદ નોંધાવી છે જેમાં તેને જણાવ્યું છે કે વાંકાનેરની ઢુવા ચોકડી પાસે તેની જય અંબે સિલેક્શન નામની કપડાની દુકાન આવેલ છે અને તેણે આરોપી દીપકભાઇ સતવારા પાસેથી અગાઉ 40,000 રૂપિયાની કિંમતના કપડાના માલની ખરીદી કરી હતી જેના રૂપિયા આપવાના બાકી હતા જે બાબતનું મન દુઃખ રાખીને રૂપિયા લેવા માટે ચારેય શખ્સો તેની દુકાને આવ્યા હતા અને દુકાનમાં પ્રવેશ કરી ગીરીશભાઈ ને ગાળો આપી હતી ઢીકાપાટુનો માર માર્યો હતો અને ત્યારબાદ ગીરીશભાઈ અને સાહેદ મોહનભાઈ પ્રકાશભાઈ રજકને લાકડાના ધોકા વડે માર માર્યો હતો. જેથી કરીને ઈજા પામેલા દુકાનદાર સહિતના બંને વ્યક્તિઓને સારવારમાં ખસેડવામાં આવ્યા હતા અને સારવાર લીધા બાદ વાંકાનેર તાલુકા પોલીસ સ્ટેશન ખાતે દુકાનદારે ચાર શખ્સોની સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે

દેશી દારૂની ભઠ્ઠી

હળવદ તાલુકાના સુંદરગઢ ગામની સીમામાં બ્રાહ્મણી ડેમ ની વચ્ચેના ભાગે પોલીસે પાળા નજીક દારૂની રેડ કરી હતી ત્યારે ત્યાં દેશી દારૂની ભઠ્ઠી ચલાવવાનું સામે આવ્યું હતું જેથી કરીને પોલીસે દેશી દારૂ બનાવવા માટે ઉપયોગમાં લેવામાં આવતો કુલ મળીને 600 લીટર આખો તથા 240 લિટર તૈયાર દેશી દારૂ અને ગેસનો બાટલો, ગેસની નળી, ગેસનું રેગ્યુલેટર તેમજ અન્ય મુદ્દા માલ તથા દારૂની હેરાફેરી કરવા માટે ઉપયોગમાં લેવામાં આવતું હુડકુ આમ કુલ મળીને 27,500 ની કિંમત નો મુદ્દા માલ કબજે કરેલ છે અને આ દેશી દારૂનો જથ્થો તથા મુદ્દા માલ અશ્વિનભાઈ ઉર્ફે ભોપો ચંદુભાઈ ખાંભડીયા અને બળદેવભાઈ ઉર્ફે મુન્નો બાબુભાઈ ઝિંઝવાડીયા રહે બંને સુંદરગઢ વાળાનો હોવાનું સામે આવતા પોલીસે તેની સામે ગુનો નોંધી આરોપીઓને પકડવા માટે તજવીજ શરૂ કરેલ છે