મોરબીના કાલિકા પ્લોટમાં પોલીસે લાકડાના બોક્ષમાંથી ૧૨૦ બિયરના ટીન કબજે કર્યા: ચાર શખ્સોની શોધખોળ
SHARE
JOIN OUR GROUP
મોરબીના કાલિકા પ્લોટમાં પોલીસે લાકડાના બોક્ષમાંથી ૧૨૦ બિયરના ટીન કબજે કર્યા: ચાર શખ્સોની શોધખોળ
મોરબી શહેરના કાલિકા પ્લોટ વિસ્તારમાં ચંદુભાઈ ડેપો વાળાની શેરીમાં લાકડાના બોક્સની હેરાફેરી ચાર શખ્સો દ્વારા કરવામાં આવતી હતી ત્યારે પોલીસની ટીમ ત્યાં પહોંચી હતી દરમિયાન તે શખ્સો લાકડાની પેટી ત્યાં છોડીને નાસી ગયા હતા જેથી પંચની હાજરીમાં લાકડાની પેટીને ખોલવામાં આવતા તેમાંથી બિયરના ૧૨૦ ટીન મળી આવ્યા હતા જેથી પોલીસે ૧૨ હજાર રૂપિયાની કિંમતનો બીયરનો જથ્થો કબજે કરેલ છે અને બિયરનો જથ્થો છોડીને નાશી ગયેલા ચારેય શખ્સોની ઓળખ થઈ ગયેલ છે જેથી તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી ડી-સ્ટાફની ટીમ મોરબીના કાલિકા પ્લોટ વિસ્તારમાં પેટ્રોલિંગમાં હતી ત્યારે ત્યાં ચંદુભાઈ ડેપો વાળાની શેરીમાં ચાર શખ્સો દ્વારા લાકડાની પેટીની હેરાફેરી કરવામાં આવતી હતી અને પોલીસને જોઈને આ શખ્સો ત્યાં લાકડાની પેટી છોડીને નાસી ગયા હતા જેથી કરીને પોલીસે પંચની હાજરી માટે લાકડાની પેટીને ખોલતા તેમાંથી બિયરના ૧૨૦ ટીમ મળી આવ્યા હતા જેથી પોલીસે ૧૨ હજાર રૂપિયાની કિંમતનો બિયરનો જથ્થો સ્થળ ઉપરથી કબજે કરેલ છે અને સ્થળ ઉપર બિયરનો જથ્થો છોડીને નાસી છૂટેલા ચારે શખ્સોની ઓળખ થઈ ગયેલ હોય હાલમાં મોરબી સીટી એ ડિવિઝન પોલીસ સ્ટેશન ખાતે ભુપેન્દ્રભાઈ ઉર્ફે ભુપત જયસુખભાઈ વાઘેલા, અમિતભાઈ મોહનભાઈ ગજરા અને ધીરેન દિનેશભાઈ ચાવડા રહે. ત્રણેય વજેપર અને પરવેજ દાઉદભાઈ ચાનીયા રહે કબારી ટેકરી વાળા હોવાનું સામે આવ્યું છે જેથી પોલીસે તેની સામે ગુનો નોંધીને આરોપીઓને પકડવા માટે તજવીજ શરૂ કરી છે
બે બોટલ દારૂ
મોરબી શહેરના શનાળા રોડ ઉપર કન્યા છાત્રાલય પાસેથી પસાર થતા શખ્સને રોકીને પોલીસ ચેક કરતા તેની પાસેથી દારૂની બે બોટલ મળી આવી હતી જેથી પોલીસે ૧૦૦૦ ની કિંમતની દારૂની બોટલો કબજે કરીને ચેતનભાઇ જગદીશભાઈ પરમાર જાતે મોચી (૩૫) રહે. માધાપર શેરી નં-૧૨ વાળાની ધરપકડ કરેલ છે અને તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે
