રેન્જ આઇજીના આદેશની તાત્કાલિક અમલવારી: મોરબીમાં શાળા કોલેજ પાસે પોલીસનું ચેકિંગ શરૂ
SHARE
JOIN OUR GROUP
રેન્જ આઇજીના આદેશની તાત્કાલિક અમલવારી: મોરબીમાં શાળા કોલેજ પાસે પોલીસનું ચેકિંગ શરૂ
મોરબીમાં છેલ્લા એકાદ પખવાડિયાની અંદર સગીરા સાથે દુષ્કર્મની ઘટનાઓ સામે આવી હતી તેમજ અગાઉ છેડતીના બનાવો પણ સોશિયલ મીડિયામાં વાયરલ થયા હતા ત્યારબાદ પોલીસે તાત્કાલિક કાર્યવાહી કરી હતી અને આરોપીઓની ધરપકડ કરી હતી જોકે, થોડા દિવસો પહેલા મોરબીમાં ઇન્સ્પેક્શન માટે રેન્જ આઇજી અશોકકુમાર યાદવ આવ્યા હતા ત્યારે તેઓએ જણાવ્યું હતું કે, મોરબીમાં મહિલાઓની સલામતીને ધ્યાનમાં રાખીને શાળા કોલેજની આસપાસના વિસ્તારમાં પોલીસ વિભાગ દ્વારા ચેકિંગ કરવા માટેની ખાસ સુચના આપવામાં આવી છે દરમ્યાન આજે મોરબીના ડીવાયએસપી પી.એ. ઝાલા, એ ડિવિઝનના પીઆઇ હકુમતસિંહ જાડેજા સહિતનો સ્ટાફ મોરબીના કન્યા છાત્રાલય રોડ ઉપર પેટ્રોલિંગમાં હતો અને ત્યાંથી પસાર થતાં વાહન ચાલકોમાંથી વાહન ચાલકોને રોકીને તેઓની પાસેથી તેઓના વાહનોના જરૂરી આધાર પુરાવા માંગવામાં આવ્યા હતા અને ચેકિંગ કરવામાં આવ્યું હતું અને જેની પાસે વાહનોના જરૂરી આધાર પુરાવા ન હોય તેવા વાહનોને ડિટેઇન કરવામાં આવ્યા હતા અને આવી જ રીતે સમયાંતરે આગામી સમયમાં પણ શાળા કોલેજની આસપાસના વિસ્તારમાં તેમજ મોરબી શહેરના મુખ્યમાર્ગો ઉપર ચેકિંગ કરવામાં આવશે તેવું અધિકારી સૂત્ર પાસેથી જાણવા મળે છે
