માળીયા (મી)માંથી પસાર થતા નેશનલ હાઇવેમાં કેટલી જમીન કપાશે-વળતર શું મળશે તેનો ખુલાસો કરવાની માંગ

માળીયા મિયાણા તાલુકામાં આવતા નવલખી હાઈવેને ડેવલોપ કરવાના કામને મંજૂર કરવામાં આવ્યું છે ત્યારે ખેડૂતોની જમીન કેટલી કપાશે અને ખેડૂતોને શું વળતર આપવામાં આવશે તેની કોઈ સ્પષ્ટતા કરવામાં આવી નથી જેથી કરીને આ અંગે જરૂરી ખુલાસો કરવા માટે પ્રાંત અધિકારીને આવેદન આપવામાં આવ્યું છે

સરકારનો પ્રોજેક્ટ નેશનલ હાઇવે માળીયા તાલુકામાંથી પસાર થવાનો છે ત્યારે માળીયાના કયા ગામના કેટલા ખેડૂતોની જમીનની કપાત કરવામાં આવશે તે અંગેની કોઈ માહિતી ખેડૂતોને આપવામાં આવી નથી જેથી કરીને માળીયા મિયાણા તાલુકાનાં ખેડૂતોએ પ્રાંત અધિકારીને આવેદનપત્ર આપવામાં આવેલ છે જેમાં લખ્યું છે કે, નવો હાઇવે પસાર થવાનો છે તેમાં જમીન કપાત થવાની છે જો કે, ક્યાં ક્યાં ગામોના કેટલા ખેડૂતોની જમીન કપાશે અને શું વળતર મળશે તેની જરૂરી સ્પષ્ટતા કરવામાં આવી નથી. જેથી ખેડૂતો મુઝવણમાં છે ત્યારે ચાંચાવદરડા ગામ પાસેની ખેતીલાયક ઉપજાવ જમીન કપાતમાં જાય છે અને ૬૨ ખેડૂતોની જમીન કપાઇ છે જેથી આવેદનપત્ર આપવામાં આવ્યું છે આ તકે ચાંચાવદરડાના રાજેશભાઈ બાવરવા, માળીયા તાલુકા પંચાયતના માજી સભ્ય જગદીશભાઈ આદ્રોજા, મોરબી જિલ્લા ભાજપના ઉપપ્રમુખ હરિભાઈ બાવરવા, સરપંચ ચાંચાવદરડા વલ્લભભાઈ સીનોજીયા, મહેશભાઈ બાવરવા, વિપુલભાઈ આદ્રોજા સહિત ખાતેદારો હાજર રહ્યા હતા