સેકાતો વિકાસ: મોરબીમાં બોરીયા પાટી સરકારી શાળાના વિદ્યાર્થીઓ પતરાના સેડ નીચે શિક્ષણ લેવા મજબૂર !
Morbi Today
મોરબીની બોરિયા પાટી શાળાનો પ્લાન બનાવમાં વિલંબ થયો છે !, હવે ઘટતી કાર્યવાહી કરીશું: સાંસદ-ધારાસભ્ય
SHARE
JOIN OUR GROUP
મોરબીની બોરિયા પાટી શાળાનો પ્લાન બનાવમાં વિલંબ થયો છે !, હવે ઘટતી કાર્યવાહી કરીશું: સાંસદ-ધારાસભ્ય
મોરબી શહેરના વોર્ડ નંબર 12 માં આવેલ બોરીયા પાટીમાં સરકારી શાળાનું બિલ્ડીંગ જ નથી તેની માહિતી સામે આવી છે અને હાલમાં પતરાના સેડ નીચે તડકામાં બાળકો શિક્ષણ લેવા મજબૂર બન્યા છે ત્યારે આ બાબતે મોરબી કચ્છના સાંસદ અને મોરબી ધારાસભ્યએ ઘટતી કાર્યવાહી કરવાની ખાતરી આપેલ છે
સરકારી શાળામાં અભ્યાસ માટે આવતા વિદ્યાર્થીઓને સારામાં સારી સુવિધા મળે તેના માટે લાખો અને કરોડો રૂપિયાના ખર્ચા કરવામાં આવે છે જોકે મોરબી શહેરના વોર્ડ નંબર 12 માં આવેલ બોરિયા પાટી વિસ્તારમાં વર્ષો જૂની બોરીયા પાટી પ્રાથમિક શાળા છે આ શાળાના જર્જરીત બિલ્ડીંગને અઢી મહિના પહેલા તોડી પાડવા આવેલ છે જો કે, નવું બિલ્ડીંગ ક્યારે બનશે ?, કેવી રીતે બનશે ? અને કેટલા ખર્ચે બનશે ? તેની કોઈ માહિતી જાહેર કરવામાં આવી ન હતી જેથી કરીને શાળાનું નવું વર્ષ ચાલુ થતાં બાળકોને હાલમાં ઉનાળાની કાળજાળ ગરમી છે ત્યારે પતરાના સેડ નીચે બેસાડીને શિક્ષણ આપવામાં આવી રહ્યું છે જેની માહિતી સામે આવી છે ત્યારે આ મુદે સાંસદ વિનોદભાઇ ચાવડા અને ધારાસભ્ય કાંતિભાઈ અમૃતિયાનો સંપર્ક કર્યો હતો ત્યારે તેમણે શાળાનો પ્લાન બનાવવામાં વિલંબ થયો છે જો કે, હવે જે ઘટતી કાર્યવાહી હશે તેની ચર્ચા કરીને વહેલી તકે શાળા બને તેના માટેની સૂચના આપવામાં આવશે તેવું કહ્યું છે
