માળીયા (મી)માં અગાઉ થયેલ બોલાચાલીનો ખાર રાખીને યુવાન સહિત બે વ્યક્તિ ઉપર છરી-ધોકા વડે 4 શખ્સનો હુમલો વાંકાનેરમાં ભિક્ષાવૃતિ કરીને મહિલાએ એકત્રિત કરેલ 50,000 રૂપિયાની અજાણ્યા શખ્સે કરી ચોરી હળવદના બુટવડા ગામે જુગાર રમતા 5 શખ્સ ઝડપાયા હળવદના ઢવાણા ગામે યુવાને કર્યો આપઘાત: મોરબીના લાલપર ગામે તાવની બીમારીમાં યુવાનનું મોત મોરબી ગ્રાહક સુરક્ષા મંડળની લડતથી વિમેદારને આઠ લાખ ખર્ચ સહીત ચૂકવવા હુકમ મોરબીમાં આજ રાતના સતવારા સમાજ સંગઠન દ્રારા કારકિર્દી માર્ગદર્શન સેમિનાર, રવિવારે રાતના ભારતીય વિચાર મંચ દ્વારા યુવા મંચ કાર્યક્રમનું આયોજન મોરબીમાં ભારતી વિદ્યાલયના વિદ્યાર્થીઓ દ્વારા સ્મશાનની પવિત્ર ભૂમિ ઉપર તિરંગો લહેરાવીને સલામી અપાઈ મોરબીમાં સ્નેહની રાખી - સ્વાવલંબનની ડોરની થીમ પર આધારિત પ્રદર્શન-સહ-વેચાણ રાખી મેળાને રાજ્યમંત્રી ત્રિકમભાઈ છાંગાએ ખુલ્લો મુક્યો

Breaking news

Morbi Today

વાંકાનેર : ઝગડો કરવાની ના કહેતા યુવાન સહિત બે વ્યક્તિને ચાર શખ્સોએ માર માર્યો

20-06-2023 09:40 AM

વાંકાનેરમાં ચંદ્રપુર પાસે આવેલ સમ્રાટ હોટલ પાસે થોડા દિવસો પહેલા માથાકૂટ થઈ હતી દરમિયાન બોલેરો ગાડીનો ચાલક ટ્રેક્ટર ચાલક સાથે બોલાચાલી કરીને માથાકૂટ કરતો હતો ત્યારે યુવાને બોલાચાલી નહીં કરવા માટે તેને કહ્યું હતું જે બાબતનો ખાર રાખીને તેની ઈકો ગાડીના કાચને તોડી નાખ્યો હતો અને યુવાન સાથે માથાકૂટ કરતાં હતા ત્યારે તેને છોડાવવા માટે વચ્ચે પડેલા વ્યક્તિને પણ ઢીકાપાટુનો માર માર્યો હતો જેથી ભોગ બનેલા યુવાન દ્વારા હાલમાં વાંકાનેર સિટી પોલીસ સ્ટેશન ખાતે ચાર શખ્સોની સામે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી મુજબ વાંકાનેર તાલુકાના સિંધાવદર ગામે અશરફનગરમાં રહેતા ઝાહિદભાઈ હુસેનભાઇ પરાસરા જાતે મોમીન (૩૮) એ ભૂરો સરાણીયા, બટુકભાઈ સરાણીયા, હરેશભાઈ સરાણીયાનો છોકરો અને દેવરાજ સરાણીયા રહે. બધા ચંદ્રપુર અલંકાર હોટલ પાછળ વાળાની સામે ફરિયાદ નોંધાવી છે જેમાં તેને જણાવ્યુ છે કે, ચંદ્રપુર પાસે આવેલ સમ્રાટ હોટલ પાસે બોલેરો ગાડી નંબર જીજે ૨૩ વી ૫૨૦૨ નો ચાલક ટ્રેક્ટર નંબર જીજે ૩ ઇએ ૬૬૮૫ ના ચાલક સાથે બોલાચાલી કરતો હતો ત્યારે ફરિયાદી યુવાને તેને બોલાચાલી ન કરવા માટે કહ્યું હતું જે બાબતનો ખાર રાખીને આરોપી ભૂરો સરાણીયાએ લાકડીનો ધોકો મારીને તેની ઈકો ગાડી નંબર જીજે ૩૬ એફ ૧૮૯૯ નો પાછળનો કાચ તોડી નાખ્યો હતો અને બાકીના આરોપીઓએ ફરિયાદી સાથે બોલાચાલી કરી ગાળો આપી હતી અને સાહેદ અલીભાઈ પરાસરા વચ્ચે છોડાવવા પડતા તેમને પણ આરોપીઓએ ઢીકાપાટુનો માર માર્યો હતો જેથી કરીને ભોગ બનેલા યુવાન દ્વારા હાલમાં વાંકાનેર સિટી પોલીસ સ્ટેશન ખાતે ફરિયાદ નોંધાવવામાં આવતા પોલીસે ચાર શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે

કારમાં નુકશાન

મોરબીના જેતપર રોડ ઉપર આવેલ સીયારામ ગ્રેનેટો સીરામીક કારખાનાના ગેટની સામે મોરબીના સામાકાંઠા વિસ્તારમાં આવેલ નીલકંઠ સોસાયટીમાં રહેતા પીન્ટુભાઇ ધનજીભાઈ શંખેસરિયા જાતે કોળી (૩૨) ની કિયા સોનેટ ફોરવીલ કાર નંબર જીજે ૩૬ એએફ ૪૬૫૯ ની સાથે ટ્રક ટેલર નંબર આરજે ૫૦ જીબી ૨૭૦૨ ના ચાલકે રિવર્સમાં પોતાનું વાહન લેતા સમયે પાછળ જોયા વગર કારમાં ભટકાડીને કારમાં નુકસાન કર્યું છે જેથી કરીને કારના ચાલક દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એફ.આઇ. સુમરા ચલાવી રહ્યા છે