મોરબીમાં ધારાસભ્યએ પકડેલ ડમ્પર ડિટેઇન, તંત્ર દોડતું: દંડ વસૂલ કરવા કવાયત

મોરબીના જેતપર દેવળીયા રોડ ઉપરથી નંબર પ્લેટ વગરનું ડમ્પર જતું હતું તેને ધારાસભ્યએ રોકીને તાત્કાલિક કલકેટર સહિતના જિલ્લાના અધિકારીઓને ફોન કર્યો હતો અને હાલમાં ખનીજના વાહનોમાં નંબર નથી, કાલે દારૂ અને પાવડરની ગાડીઓમાં નંબર નહીં હોય ! આ શું પાકિસ્તાન છે ?, વિકાસ માટે બીજો ધારાસભ્ય રાખીને મારે નંબર પ્લેટ વગરના વાહનોના ફોટા પાડવા નીકળવું પડશે ? તેવી વાત કરી હતી તે વિડીયો હાલમાં સોશ્યલ મીડિયામાં વાયરલ થયેલ છે

 મોરબી જિલ્લામાં નંબર પ્લેટ વગરના ડમ્પર સહિતના ઘણા વાહનો દોડે છે જો કે, જવાબદાર અધિકારીઓએ દ્વારા તેની સામે આંખ આડા કાન કરવામાં આવી રહ્યા છે ત્યારે મોરબીના જેતપર દેવળીયા રોડેથી મોરબી માળિયાના ધારાસભ્ય કાંતિભાઈ અમૃતિયા જતાં હતા ત્યારે નંબર પ્લેટ વગરનું એક ડમ્પર નિકળ્યું હતું અને ત્યારે સ્થળ ઉપરથી કલેક્ટર સાથે વાત કરી હતી અને એસપી સહિતના અધિકારીઓને આવા વાહન ચાલકોની સામે કડક પગલાં લેવા સૂચના આપેલ છે અને ત્યારે જે ફોનમાં વાત થયેલ હતી તેનો વિડીયો સોશ્યલ મીડિયામાં વાયરલ થયેલ છે જેમાં ધારાસભ્ય કહી રહ્યા છે કે, હાલમાં ખનીજના વાહનોમાં નંબર નથી, કાલે દારૂ અને પાવડરની ગાડીઓમાં નંબર નહીં હોય ! આ શું પાકિસ્તાન છે ?, વિકાસ માટે બીજો ધારાસભ્ય રાખીને મારે નંબર પ્લેટ વગરના વાહનોના ફોટા પાડવા નીકળવું પડશે ? વધુમાં એવું પણ કહ્યું હતું કે,  આરટીઓ વાળા કામ જ કરતાં નથી ત્યારે ધારાસભ્યએ કરેલ ફોન પછી તાત્કાલિક તંત્ર દોડતું થયેલ છે અને ખાણખનીજ વિભાગના અધિકારી જે ડમ્પરને ધારાસભ્યએ પકડાયું હતું તેના માલિક જનક રબારીને ડમ્પર નં. જીજે ૧૩ એએક્સ ૦૧૪૬ વાળાને ૩૦ લાખથી વધુનો મુદામાલ કબજે કરેલ છે અને ફાયર ક્લે સહિતનો મુદામાલ કબજે કરીને કાયદેસરની કાર્યવાહી કરેલ છે