મોરબી તાલુકાની તાલુકા શાળા નં. ૨ માં પ્રવેશોત્સવ યોજાયો

મોરબી તાલુકાની તાલુકા શાળા નં. ૨ માં શાળાની એસએમસી દ્વારા શાળા પ્રવેશોત્સવ અને કન્યા કેળવણી મહોત્સવનાં ભાગરૂપે જુન ૨૦૨૩ શાળામાં બાલવાટિકા તથા ધોરણ ૧ માં પ્રવેશ થયેલ ૩૯ દિકરીઓને કીટ આપી પ્રવેશોત્સવ કાર્યક્રમ યોજવામાં આવ્યો હતો ત્યારે આ કાર્યક્રમમાં મોરબી જિલ્લાના નાયબ જિલ્લા પ્રાથમિક શિક્ષણાધિકારી દિનેશભાઈ ગરચર તેમજ સીઆરસી કો ઓર્ડીનેટર શૈલેષભાઈ કાલરીયા ઉપસ્થિત રહ્યા હતા. અને ધોરણ ૧ થી ૮ માં ગત વાર્ષિક પરીક્ષામાં પ્રથમ ત્રણ ક્રમાંક મેળવેલ વિદ્યાર્થીઓનું દાતા યુનિક સ્ટેપના ઓનર જયદીપભાઈ સનારીયા દ્વારા શીલ્ડ આપી સન્માન કરવામાં આવ્યું હતુ. આ કાર્યક્રમને સફળ બનાવવા બદલ તમામ શિક્ષક ભાઈ બહેનોનો શાળાના આચાર્ય નિલેશભાઈ કૈલાએ આભાર વ્યક્ત કર્યો હતો.