વાંકાનેરના ધમલપર સ્ટેશન રોડેથી ૧૮ બોટલ દારૂ સાથે એકની ધરપકડ

વાંકાનેર નજીક આવેલ ધમલપર સ્ટેશન રોડ ઉપરથી પસાર થઇ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી ૧૮ બોટલ દારૂ મળી આવતા પોલીસે ૭૨૦૦ રૂપિયાની કિંમતનો દારૂનો જથ્થો કબજે કર્યો હતો અને આરોપીની ધરપકડ કરી તેની સામે વાંકાનેર સીટી પોલીસ સ્ટેશન ખાતે ગુનો નોંધીને આગળની કાર્યવાહી કરી હતી

જાણવા મળતી માહિતી મુજબ વાંકાનેર સીટી પોલીસની ટીમ પેટ્રોલિંગમાં હતી ત્યારે વાંકાનેર નજીક આવેલ ધમલપર સ્ટેશન રોડ ઉપરથી પસાર થયેલા એક શખ્સને રોકવામાં આવ્યો હતો અને તેને ચેક કરવામાં આવતા તેની પાસેથી દારૂની ૧૮ બોટલો મળી આવી હતી જેથી કરીને પોલીસે ૭૨૦૦ ની કિંમતનો દારૂનો જથ્થો કબજે કર્યો હતો અને આરોપી રવિભાઈ શંકરભાઈ કાંજીયા જાતે કોળી (૨૭) રહે. ધમલપર-૨ સ્ટેશન રોડ તાલુકો વાંકાનેર વાળાની ધરપકડ કરી વાંકાનેર સીટી પોલીસ સ્ટેશન ખાતે તેની સામે પ્રોહીબિશન એક્ટ મુજબ ગુનો નોંધવામાં આવ્યો છે અને આ શખ્સની પાસેથી મળી આવેલ દારૂની બોટલ ક્યાંથી લાવ્યો હતો અને કોને આપવાનો હતો તે દિશામાં પોલીસ દ્વારા આગળની તપાસ શરૂ કરવામાં આવી છે

દેશી દારૂ

હળવદ તાલુકાના જુના દેવળીયા ગામે રહેતા શખ્સના ઘરમાં દારૂનો જથ્થો હોવા અંગેની બાતમી મળી હતી જેના આધારે એલસીબીની ટીમ દ્વારા ત્યાં દારૂની રેડ કરવામાં આવતા વિપુલભાઈ ઉર્ફે ભૂરો દિનેશભાઈ મકવાણા જાતે કોળી રહે. કોળીવાસ જુનાદેવળીયા વાળાના ઘરમાંથી દેશી દારૂ બનાવવા માટે ઉપયોગમાં લેવામાં આવતો ૬૦૦ લિટર આથો મળી આવ્યો હતો જેથી કરીને પોલીસે ૧૨૦૦ ની કિંમતનો મુદ્દામાલ કબજે કર્યો હતો અને રેડ કરવામાં આવી ત્યારે આરોપી હાજર ન હોય તેની સામે હળવદ તાલુકા પોલીસ સ્ટેશન ખાતે ફરિયાદ નોંધ આરોપીને પકડવા માટે તજવીજ શરૂ કરેલ છે