વાંકાનેરના માટેલ રોડેથી છતીસગઢના દુષ્કર્મના ગુનામાં ફરાર આરોપી ઝડપાયો

છતીસગઢ રાજ્યના જગરાખંડ પોલીસ મથકમાં દુષ્કર્મના ગુનામાં ફરાર આરોપીને પકડવા માટે ત્યાની પોલીસ તજવીજ કરી હતી તેવામાં આરોપીની વાંકાનેર તાલુકા પોલીસની ટીમને મળેલ બાતમી આધારે વાંકાનેરના માટેલ રોડ ઉપર આવેલ ઓરડીમાંથી આરોપીની ધરપકડ કરેલ છે

જાણવા મળતી માહિતી મુજબ મોરબી જિલ્લાના વાંકાનેર તાલુકા પોલીસની ટીમ લોકસભા ચુંટણીને પગલે નાસતા ફરતા આરોપીને ઝડપી લેવા પેટ્રોલિંગમાં હતી ત્યારે છતીસગઢ રાજ્યના જગરાખંડ પોલીસ મથકમાં દુષ્કર્મના ગુનામાં આરોપી વિશાલસિંહ મુન્નાસિંહ ઠાકુર (૨૩) વાળો હાલ માટેલ રોડ અમરધામ પાસે ઓરડીમાં ભાડે રહેતો હોવાનું સામે આવ્યું હતું જેથી કરીને ત્યાં સ્થળ ઉપર જઈને પોલીસે આરોપી વિશાલસિંહ મુન્નાસિંહ ઠાકુરની ધરપકડ કરી હતી અને આગળની કાર્યવાહી માટે છતીસગઢ પોલીસને સોપવામાં આવ્યો છે. આ કામગીરીમાં વાંકાનેર તાલુકા પીએસઆઈ એલ.એ. ભરગા અને મયુરધ્વજસિંહ જાડેજા, જીતેન્દ્રકુમાર અઘારા, ચમનભાઈ ચાવડા, હરીશચંદ્રસિંહ ઝાલા, સંજયસિંહ જાડેજા, વિજયભાઈ ડાંગર, રવિભાઈ કલોત્રા તેમજ અજયસિંહ ઝાલા દ્વારા કરવામાં આવી હતી