હળવદ તાલુકાના મેરુપર ગામની સીમમાં કેનાલ કાંઠેથી ત્રણ ઇલેક્ટ્રીક મોટરની ચોરી
SHARE
![News Image](https://morbitoday.com/assets/blog/1715581817.jpg)
![](https://morbitoday.com/assets/images/advertisement/1720624302.jpg)
![](https://morbitoday.com/assets/images/advertisement/1717352591.jpg)
![](https://morbitoday.com/assets/images/advertisement/1720702923.jpg)
હળવદ તાલુકાના મેરુપર ગામની સીમમાં કેનાલ કાંઠેથી ત્રણ ઇલેક્ટ્રીક મોટરની ચોરી
હળપતિ તાલુકામાંથી પસાર થતી નર્મદાની કેનાલમાંથી પાણી ખેંચવા માટે તેને ખેડૂતો દ્વારા ત્યાં કેનાલના કાંઠે ઇલેક્ટ્રીક મોટરો તથા ડીઝલ મશીન મુકવામાં આવતા હોય છે તેવી જ રીતે હળવદ તાલુકાના મેરુપર ગામની સીમમાં જુદા જુદા ખેડૂતો દ્વારા ઈલેક્ટ્રીક મોટર મૂકવામાં આવી હતી જે ઇલેક્ટ્રીક મોટરોમાંથી ત્રણ ઇલેક્ટ્રીક મોટરની ચોરી કરવામાં આવેલ છે જે બનાવ સંદર્ભે હળવદ તાલુકા પોલીસ સ્ટેશન ખાતે ફરિયાદ નોંધાઇ છે જેથી પોલીસે આરોપીને પકડવા માટે તજવીજ શરૂ કરી છે.
બનાવની જાણવા મળતી વિગત પ્રમાણે હળવદ તાલુકાના મેરુપર ગામે રહેતા મહિપતસિંહ દિલીપભાઈ ખેર જાતે રાજપૂત (૩૬) એ અજાણ્યા શખ્સની સામે હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેણે જણાવ્યું છે કે હળવદ તાલુકાના મેરુપર ગામની સીમમાંથી પસાર થતી નર્મદાની કેનાલમાંથી પાણી ખેંચવા માટે થઈને ફરિયાદી તથા અન્ય ખેડૂતોએ ત્યાં ઈલેક્ટ્રીક મોટરો કેનાલ ઉપર મૂકી હતી જે પૈકીની ત્રણ ઇલેક્ટ્રીક મોટરની ચોરી કરવામાં આવેલ છે જેથી કરીને ૧૫,૦૦૦ રૂપિયાની કિંમતના મુદ્દામાલની ચોરી થઈ હોવા અંગેની હાલમાં ભોગ બનેલા ખેડૂતો દ્વારા હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે અજાણ્ય શખ્સની સામે ગુનો નોંધી આરોપીને પકડવા માટે ચક્રો ગતિમાન કર્યા છે.
![](https://morbitoday.com/assets/images/advertisement/1721106232.jpg)