મોરબીમાં ત્રણ વર્ષ જૂનો પ્રશ્ન ચીફ ઓફિસરે ત્રણ દિવસમાં ઉકેલતા કોંગ્રેસે કામગીરી બિરદાવી

મોરબીમાં જુના બસ સ્ટેન્ડ પાછળ જે ભૂગર્ભ ગટરનું પાણી અને વરસાદી પાણી ભરાવાને પ્રશ્ન છેલ્લા ત્રણ વર્ષથી હતો અને સ્થાનિકો હેરાન થતા હતા તેની કોંગ્રેસન આગેવાનોએ સ્થાનિક લોકોને સાથે રાખીને રજૂઆત કરી હતી તેના ત્રણ દિવસમાં આ પ્રશ્નનો ઉકેલ આવી ગયેલ છે જેથી કરીને પાલિકાના નવનિયુક્ત ચીફ ઓફીસર કુલદીપસિંહ વાળાને રૂબરૂ મળીને વેપારીઓ દ્વારા કોંગ્રેસને સાથે રાખી પુષ્પગુચ્છ અર્પણ કરીને કામગીરીને બિરદાવવામાં આવી હતી ત્યારે વેપારીઓ ઉપરાંત મોરબી શહેર કોંગ્રેસ પ્રમુખ પુષ્પરાજસિંહ જાડેજા, શહેર કોંગ્રેસ મહામંત્રી હિતેશભાઈ ભટ્ટ, મોરબી જિલ્લા લીગલ સેલનાં પ્રમુખ ભાવિન ભાઈ પટેલ સહિતના હાજર રહ્યા હતા.