મોરબી નજીક 108 ના સ્ટાફે એમ્બ્યુલન્સમાં જ પ્રસુતાની સફળ ડિલવરી કરાવી

મોરબી તાલુકાનાં મકનસર ગામ પાસેથી વહેલી સવારે 108ની ટીમને માટેલ રોડ પર ડિલવરી માટેનો કોલ આવ્યો હતો. જેથી 108 ની ટીમ સ્થળ ઉપર પહોંચી હતી. ત્યાં 30 વર્ષીય પ્રસુતા રનજીતાબેન વિક્રમભાઈને પ્રસુતીની પીડા ઉપાડી હતી અને દુઃખાવો ઉપડતાં તેને 108 મારફતે ડિલવરી માટે લઈ જવામાં આવ્યા હતા. જો કે રસ્તામાં જ પ્રસુતાને દુઃખાવો થતાં ડો. દવેના માર્ગદર્શનથી ઈએમટી પ્રવિણભાઈ મેર, પાયલોટ દિપકભાઈ વાજાએ એમ્બ્યુલન્સમાં જ પ્રસુતાની સફળતાપૂર્વક નોર્મલ ડિલવરી કરાવી હતી હતી અને પ્રાથમિક સારવાર આપી હતી. ત્યારબાદ પ્રસુતાને વધુ સારવાર માટે ખસેડવામાં આવ્યા હતા.