મોરબી મહાપાલિકામાં વહીવટદારના શાસનમાં નજૂર થયેલ બે ગાર્ડન રદ્દ, મણિમંદિર પાસે ડેવલોપમેન્ટની ડિઝાઇન ચેન્જ કચ્છના કટારિયા ખાતે મોરબીના રાજા વિશાલસિંહના અધ્યક્ષ સ્થાને સ્નેહમિલનનો કાર્યક્રમ યોજાયો હૃદયના ધબકારા સાથે જ્યાં ધબકે છે બાળકોનું ખિલખિલાટ: મોરબી સિવિલ હોસ્પિટલનું SNCU બન્યું નવજાત શિશુઓના સુરક્ષિત ભવિષ્યની સંજીવની મોરબી જિલ્લામાં વિશ્વ AMR જાગૃતિ સપ્તાહનો પ્રારંભ: જનજાગૃતિ માટે ૨૪ નવેમ્બર સુધી વિશેષ અભિયાન મોરબીમાં કલેક્ટર કચેરીમાં યોજાયેલ ટાઈપિંગ સ્પર્ધામાં કલેક્ટરે પણભાગ લીધો  વેરાન વીડી બની લીલીછમ: મોરબીના કાલીકાનગર પાસે વીડીમાં ઘાસચારાની વિપુલ તકો મોરબી જિલ્લામાં શાળા બહારના બાળકોનો  ડિસેમ્બર માહિનામાં વિશેષ સર્વે હાથ ધરાશે  વાંકાનેરના લાલપર પાસે બેફામ સ્પીડમાં આવતી કારે સ્કૂટરને હડફેટે લેતા ગ્રાફિક ડિઝાઇનર યુવતીનું મોત
Breaking news
Morbi Today

મોરબીના જનકનગરમાં સામું જોવા બાબતે બોલાચાલી કરીને છરી-ધોકા વડે હુમલો: સામસામી ફરિયાદ


SHARE







































મોરબીના જનકનગરમાં સામું જોવા બાબતે બોલાચાલી કરીને છરી-ધોકા વડે હુમલો: સામસામી ફરિયાદ

મોરબીના વાવડી રોડ ઉપર આવેલ જનકનગર સોસાયટીમાં સામું જોવા બાબતે બોલાચાલી અને મારામારી થઈ હતી જે બનાવમાં બંને પક્ષેથી ઈજા પામેલા મહિલા સહિતના કુલ પાંચ વ્યક્તિઓને સારવારમાં ખસેડવામાં આવ્યા હતા અને ત્યારબાદ હાલમાં મોરબી એ ડિવિઝન પોલીસ સ્ટેશન ખાતે બંને પક્ષેથી સામ સામે ફરિયાદ નોંધાવવામાં આવતા પોલીસે જુદા જુદા બે ગુના નોંધીને આરોપીઓને પકડવા માટે તજવીજ શરૂ કરી છે.

જાણવા મળતી માહિતી પ્રમાણે મોરબીના વાવડી રોડ ઉપર આવેલ જનકનગરમાં રહેતા ઈકબાલભાઈ કરીમભાઈ વડાવરીયા (28) એ મોરબી એ ડિવિઝન પોલીસ સ્ટેશન ખાતે જુબેર ઉર્ફે બબૂડો, અકરમ શામદાર, કિશન ઉર્ફે કે.કે.સીલવા, વિશાલ કોળી અને સિકંદર મિયાણા રહે બધા મોરબી વાળા સામે ફરિયાદ નોંધાવેલ છે જેમાં તેણે જણાવ્યું છે કે, વાવડી રોડ ઉપર જનકનગર સોસાયટી પાસે ફરિયાદીને જુબેર ઉર્ફે બબુડો એ સામું કેમ જોવે છે ? અમે અહી રહેવા આવેલ હોય જેથી તું આ શેરીમાંથી જતો રહે જે તેમ કહીને જુબેર અને અકરમે ગાળો આપી ઢીકાપાટુનો માર માર્યો હતો અને ત્યારબાદ અન્ય ત્રણ આરોપીઓ ત્યાં લાકડાના ધોકા લઈને આવેલા હતા અને ફરિયાદી યુવાનને ધોકા વડે માર માર્યો હતો તેમજ મુસ્તાક સોલંકી અને ફરિયાદીના પત્ની હીનાબેન વચ્ચે પડતા તેઓને પણ જુબેરે પોતાની પાસે રહેલ છરી કાઢીને મુસ્તાકને હાથની ત્રીજી આંગળીમાં ઈજા કરી હતી તથા ફરિયાદીના પત્ની હીનાબેન સાથે ઝપાઝપીમાં કરીને ઇજા કરી હતી જેથી ભોગ બનેલ યુવાન સહિત ત્રણેય વ્યક્તિઓને સારવારમાં લઈ ગયા હતા ત્યારબાદ તેણે મોરબી એ ડિવિઝન પોલીસ સ્ટેશન ખાતે પાંચ શખ્સો સામે ફરિયાદ નોંધાવી છે જેના આધારે પોલીસે ગુનો નોધી આરોપીને પકડવા માટે તજવીજ શરૂ કરી છે.

જ્યારે આ બનાવમાં સામાપક્ષેથી જુબેર ઉર્ફે બબુડો મહેબૂબભાઈ માયક (25)એ ઈકબાલ ઉર્ફે ઝીણી કરીમભાઈ વડાવરીયા રહે. જનક નગર મોરબી, મુસ્તાક સોલંકી રહે. મોરબી અને ઇરફાન ઘાંચી રહે. મોરબી વાળા સામે ફરિયાદ નોંધાવી છે જેમાં તેને જણાવ્યું છે કે, તે અને અકરમ શામદાર બંને જતા હતા ત્યારે ઈકબાલ વડાવરીયાએ ગાળો આપતા ફરિયાદીએ ગાળો આપવાની ના પાડી હતી અને ત્યારે આરોપીએ ઉસકેરાઈ જઈને છરી કાઢી ફરિયાદીને મારવા જતા ફરિયાદીએ પકડી લેતા ડાબા હાથના અંગૂઠામાં છરી વડે ઇજા કરી હતી અને અન્ય બે આરોપીઓએ ફરિયાદી તથા સાહેદને જેમ ફાવે તેમ ઢીકાપાટુનો અને લાકડાના ધોકા વડે માર માર્યો હતો જેથી કરીને ભોગ બનેલ બંને વ્યક્તિઓને સારવારમાં ખસેડવામાં આવ્યા હતા અને સારવાર લીધા બાદ એ ડિવિઝન પોલીસ સ્ટેશન ખાતે નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે.
















Latest News