મોરબીમાં શ્રમિકો-ભાડુઆતોની માહિતી ન આપનારા વધુ 6 સામે કાર્યવાહી

મોરબી જીલ્લામાં કામ કરતા પરપ્રાંતિય શ્રમિકો અને ભાડૂઆતોની માહિતી પોલીસને ન આપનારાઓની સામે હાલમાં ગુના નોંધવામાં આવી રહ્યા છે તેવામાં વધુ 6 ગુના જુદાજુદા પોલીસ સ્ટેશનોમાં નોંધવામાં આવેલ છે.

મોરબીના કાલિકા પ્લોટ વિસ્તારમાં આવેલ હુડકો ક્વાર્ટર્સમાં ઓરડી ભાડે આપેલ હતી જેમાં પરપ્રાંતીય શ્રમિકો રહેતા હતા તેની માહિતી પોલીસને આપવામાં આવી ન હતી જેથી હાલમાં પોલીસે ભગવાનજીભાઈ લખુભાઇ ડાંગર (64) રહે. કાલિકા પ્લોટ હુડકો ક્વાર્ટર મોરબી વાળા સામે ગુનો નોંધેલ છે. આવી જ રીતે વાંકાનેર તાલુકાના માટેલ રોડ ઉપર અમરધામ પાસે સનપાર્ક સિરામિક કારખાનામાં પરપ્રાંતીય મજૂરો કામ કરતા હતા તેની માહિતી મોરબી એસયોર્ડ એપ્લિકેશનમાં અપલોડ કરવામાં આવી ન હતી અને મજૂરના આઇડી પ્રૂફ લેવામાં આવ્યા ન હતા જેથી કરીને કોન્ટ્રાક્ટર દિનેશકુમાર દેવીદયાલ રાજપુત (30) રહે. મકનસર ધર્મ મંગલ સોસાયટી મોરબી વાળાની સામે ગુનો નોંધાયો છે તો ટંકારાના લતીપર રોડ ઉપર આવેલ ફાઈન એન્ટરપ્રાઇઝ નામના કારખાનામાં પરપ્રાંતિય શ્રમિકો કામ કરતા હતા જેની માહિતી મોરબી એસયોર્ડ એપ્લિકેશનમાં અપલોડ કરવામાં આવી ન હતી જેથી વિવેકભાઈ જયંતિભાઈ દસાડિયા (24) રહે. નાની કેનાલ રોડ અવધ-5 મોરબી વાળાની સામે ટંકારામાં ગુનો નોંધાયો છે આ ઉપરાંત શિવાંશ પ્લાઝા નામની સાઈટ ઉપર કામ કરતા શ્રમિકોની માહિતી મેળવી ન હતી અને તેનો ડેટા મોરબી એસયોર્ડ એપ્લિકેશનમાં અપલોડ કરવામાં આવ્યો ન હતો જેથી પોપટભાઈ વિશાભાઈ બતાડા (45) રહે. પાનેલી તાલુકો મોરબી વાળા સામે ટંકારામાં ગુનો નોંધાયો છે જ્યારે મોરબી તાલુકાના મકનસર ગામે આવેલ નીલકંઠ પાર્ક ગોકુલ નગર શેરી નં-2 માં આવેલ મકાન નં-1 અને 3 ભાડે આપવામાં આવ્યા હતા જેની જાણ પોલીસને કરી ન હતી જેથી કરીને પોલીસે વિક્રમભાઈ રમેશભાઈ મકવાણા (30) અને સુરેશભાઈ લક્ષ્મણભાઈ મકવાણા (35) રહે બંને નકલંગ પાર્ક ગોકુલનગર મકનસર વાળાની સામે મોરબી તાલુકા પોલીસ સ્ટેશન ખાતે ગુનો નોંધાયો છે