હળવદમાંથી બે ચોરાઉ બાઇક સાથે એક શખ્સની ધરપકડ

હળવદ તાલુકા અને શહેરમાંથી ચોરી કરવામાં આવેલા બે ચોરાઉ બાઈકની સાથે પોલીસે એક આરોપીની ધરપકડ કરેલ છે અને આગળની કાર્યવાહી કરેલ છે.

હળવદ પીઆઇ આર.ટી.વ્યાસની સૂચના મુજબ સ્ટાફ કામ કરી રહ્યો છે અને વાહન ચેકીંગ ચાલી રહ્યું હતું અને ત્યારે એ.એન.સિસોદીયા, જી.પી.ટાપરીયા, વિપુલભાઈ સુરેશભાઇ ભવાડીયા, દેવેન્દ્રસિંહ દેવપાલસિંહ, ગંભીરસિંહ વાઘજીભાઇ, હરવિજયસિંહ કિરીટસિંહ, મનોજભાઈ ગોપાલભાઇ વાળા પેટ્રોલિંગમાં હતા તે દરમ્યાન હળવદ ટીકર રોડ ઉપરથી બાઇક લઈને એક શખ્સ શંકાસ્પદ હાલતમાં નીકળતા તેને રોકવામાં આવેલ હતો અને તેની પાસેથી બાઈકના કાગળ માટે સંતોષકારક જવાબ મળેલ ન હતો જેથી કરીને તે શખ્સનું નામ પૂછાતા તેનું નામ રણછોડ ઉર્ફે હકો ઉર્ફે જીવો વિઠ્ઠલભાઈ સુરેલા રહે. જોગડ તાલુકો હળવદ વાળો હોવાનું સામે આવ્યું હતું અને ગંભીરસિંહ વાઘજીભાઈ ચૌહાણએ બાઇક નંબર જીજે 3 બીએલ 2649 ઈ-ગુજકોપ પોકેટકોપ મોબાઈલમાં નાખી માલીક અંગે સર્ચ કરતા તે બાઇક ઇમત્યાઝ અબાસભાઇ શેખ રહે. પોપટપરા માઉન્ટેન પોલીસ લાઈન રાજકોટ વાળાનું હોવાનું સામે આવ્યું હતું જેથી આ શખ્સની પોલીસે આગવીઢબે પુછપરછ કરતા આ બાઈકની અજીતગઢ પાસેથી ચોરી કરી હોવાનું જણાવ્યુ હતું. અને વધુ પુછપરછમાં તેને વધુ એક ચોરાઉ બાઇક કાઢી આપેલ છે જેથી કરીને પોલીસે બે ચોરાઉ બાઈકની સાથે ધરપકડ કરેલ છે અને આગળની કાર્યવાહી કરેલ છે.