મોરબીના ઉમિયાનગરમાં જાહેરમાં જુગાર રમતા 12 શખ્સ પકડાયા

મોરબી વાવડી રોડ કારીયા સોસાયટી પાસે ઉમિયાનગરમાં જાહેરમાં જુગારની રેડ કરી હતી ત્યારે 12 શખ્સો જુગાર રમતા મળી આવ્યા હતા જેથી કરીને પોલીસે 53,100 ની રોકડ સાથે તેની ધરપકડ કરી હતી.

મોરબી જિલ્લા એલસીબીના ઇન્ચાર્જ પીઆઇ વી.એન.પરમારની સૂચના મુજબ સ્ટાફ કામ કરી રહ્યો છે ત્યારે મોરબીના વાવડી રોડે કારીયા સોસાયટીમાં ઉમિયાનગરમાં પોપટભાઇ ભરવાડના મકાન પાસે જાહેરમાં જુગાર રમતા હોવાની બાતમી મળી હતી જેથી ત્યાં જુગારની રેડ કરી હતી ત્યારે જુગાર રમતા ત્રિલોકસીંગ દર્શનસીંગ સેંગર, મુકેશ શ્રીરામનરેશ સહાની, સંતોષમહતો કિશુનમહતો કુશવાહ, રાહુલસીંગ પ્રાગસીંગ સેંગર, રાકેશ શિવચરન કુશવાહ, અનિલકુમાર કલ્યાણસીંગ વિશ્વકર્મા, પ્રવેન્દ્રસીંગ સુંદરસીંગ સેંગર, મનિષભાઇ ઉર્ફે રમેશ ભુરેલાલ ચૌહાણ, ભરતસીંગ શિવમોહનસીંગ સેંગર, ગોવીંદા લાખન કુશવાહ, શ્યામસીંગ સુરેશસીંગ સેંગર અને રાજેશ રામગોપાલ ધાનુક રહે. બધા મોરબી વાળા મળી આવ્યા હતા જેથી પોલીસે તેની પાસેથી 53,100 ની રોકડ કબ્જે કરી હતી અને મોરબી એ ડિવિઝન પોલીસ સ્ટેશનમાં ગુનો નોંધીને આગળની કાર્યવાહી કરેલ છે.