મોરબી જલારામ પ્રાર્થના મંદિરે પ્રસાદ યોજી જન્મદીનની કરી ઉજવણી

મોરબીના ચંદ્રકાંતભાઈ ધનજીભાઈ કક્કડ દ્વારા તેમના ૬૩માં જન્મદીનની ઉજવણી સદાવ્રતમા મહાપ્રસાદ યોજી  કરી હતી. આ તકે ચંદ્રકાંતભાઈ કક્કડ, મીનાબેન કક્કડ, પ્રદીપભાઈ કક્કડ, જીજ્ઞેશભાઈ કક્કડ સહીતના સભ્યોએ સહપરિવાર ઉપસ્થિત રહી પોતાના વરદ્ હસ્તે પ્રસાદ વિતરણ કર્યુ હતુ. પ્રવર્તમાન સમયે લોકો પોતાના જન્મદીન ની ઉજવણી વૈભવી રીતે કરતા હોય છે ત્યારે મોરબી ના ચંદ્રકાંતભાઈ કક્કડ પરિવારે સેવા કાર્ય મા સહયોગ આપી લોકોની જઠરાગ્નિ તૃપ્ત કરી સમાજને નવો રાહ ચિંધ્યો છે. તેમની આ પ્રેરક ઉજવણી બદલ મોરબી જલારામ પ્રાર્થના મંદિરના ગીરીશભાઈ ઘેલાણી, ભાવીનભાઈ ઘેલાણી, નિર્મિત કક્કડ,ચિરાગ રાચ્છ, ચંદ્રવદનભાઈ પુજારા, હરીશભાઈ રાજા સહીતના અગ્રણીઓ ત્યાં હાજર રહ્યા હતા અને તેઓને શુભકામના પાઠવી હતી.