મોરબીની ધ્રુવી લોરિયાની રાજ્ય સિઝન ક્રિકેટ અંડર-17 ટીમમાં પસંદગી

મોરબીમાં રહેતા આ સિરામિક ટ્રેડિંગ અને બાંધકામનું કામ કરતાં ભરતભાઇ લોરીયાની દીકરી ધ્રુવી લોરિયા ગુજરાત રાજ્ય સિઝન ક્રિકેટ અંડર-17 ટીમમાં પસંદગી પામેલ છે આ દીકરી મોરબીના રવાપર ગામ પાસે આવેલ નવજીવન સ્કૂલમાં અભ્યાસ કરે છે અને તે મોરબીમાં આવેલ રિયલ ક્રિકેટ એકેડમીમાં ક્રિકેટનું કોચિંગ લેવા માટે જાય છે તાજેતરમાં ગુજરાત રાજ્ય સિઝન ક્રિકેટ અંડર-17 ટીમની પસંદગી માટેનો પોરબંદરના દુલીપ ક્રિકેટ ગ્રાઉન્ડ ખાતે કેમ્પ યોજાયો હતો. જેમાં મોરબીની ધ્રુવી ભરતભાઇ લોરિયાએ પણ ભાગ લીધેલ હતો અને રાજ્યકક્ષાની ટીમમાં તેની પસંદગી કરવામાં આવેલ છે જેથી કરીને મોરબી તેમજ શાળા અને એકેડમીનું નામ રોશન કરનાર ધ્રુવી લોરિયાને ચોમેરથી શુભેચ્છાઓ મળી રહી છે.