મોરબીના લક્ષ્મીનગર ગામ પાસેથી ૪૦ ઘેંટા ભરેલી બોલેરો સાથે એક પકડાયો, ગુનો નોંધાતા તપાસ શરૂ
Morbi Today
હળવદના વેગડવાવ નજીક વાડીની ઓરડીમાં જુગાર રમતા સાત શખ્સ 7.09 લાખની રોકડ સાથે ઝડપાયા, વાડીના માલિકની શોધખોળ: અન્ય મુદામાલ કેમ કબ્જે ન લેવાયો ?!
SHARE
JOIN OUR GROUP
હળવદના વેગડવાવ નજીક વાડીની ઓરડીમાં જુગાર રમતા સાત શખ્સ 7.09 લાખની રોકડ સાથે ઝડપાયા, વાડીના માલિકની શોધખોળ: અન્ય મુદામાલ કેમ કબ્જે ન લેવાયો ?!
હળવદ તાલુકાના વેગડવાવ ગામની સીમમાં આવેલ વાડીની ઓરડીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા સાત શખ્સો મળી આવ્યા હોય પોલીસે તેની ધરપકડ કરીએ તેની પાસેથી સાત લાખ 7,09,130 ની કિંમતની રોકડ કબજે કરી હતી અને જુગાર રમી રહેલા શખ્સોની ધરપકડ કરવામાં આવી હતી અને વાડીનો માલિક હાજરમાં ન હોય તેના સહિત કુલ આઠ શખ્સોની સામે ગુનો નોંધીને પોલીસે આગળની કાર્યવાહી કરેલ છે.
હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના વેગડવાવ ગામની સીમમાં ઈશ્વરનગર ગામે રહેતા અરવિંદભાઈ પટેલની વાડી આવેલ છે તે વાડીની ઓરડીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે વાડીની ઓરડી અંદર જુગાર રમતા સુરેશ જયંતીભાઈ કાચરોલા (51) રહે. અવની પાર્ક કેનાલ રોડ મોરબી, હસમુખ વાલમજીભાઈ રૈયાણી (45) રહે. ઉમિયા પાર્ક હળવદ, જગમાલ રેવાભાઇ ખરગીયા (36) રહે. જેતપર તાલુકો મોરબી, અશ્વિન રામજીભાઈ મોરડીયા (42) રહે. ગોકુલનગર રવાપર રોડ મોરબી, જગદીશ ફુલજીભાઈ કાચરોલા (52) રહે. અવનીપાર્ક મોરબી, સતીશ ધનજીભાઈ કાચરોલા (52) રહે. કેનાલ રોડ અવની પાર્ક મોરબી અને મહેશ રણછોડભાઈ કારોડીયા (42) રહે. રણજીતગઢ તાલુકો હળવદ વાળાની ધરપકડ કરી હતી અને તેની પાસેથી 7,09,130 ની રોકડ કબજે કરવામાં આવી હતી જોકે પોલીસ દ્વારા જુગારની રેડ કરવામાં આવી હતી ત્યારે સ્થળ ઉપર વાડીનો માલિક અરવિંદ ભગવાનજીભાઈ પટેલ રહે. ઈશ્વરનગર તાલુકો હળવદ વાળો હાજર ન હતો જેથી તેના સહિત કુલ આઠ શખ્સોની સામે હળવદ તાલુકા પોલીસ સ્ટેશન ખાતે ગુનો નોંધાયો છે અને વાડીના માલિકને પકડવા માટે તજવીજ ચાલી રહી છે.
જો કે, મોરબી અને હળવદમાં રહેતા શખ્સો જુગાર રમતા રેડ દરમ્યાન સ્થળ ઉપરથી મળી આવ્યા હતા ત્યારે આ શખ્સો ત્યાં પગપાળા તો આવ્યા નહિ જ હોય તે નારી વાસ્તવિક્તા છે અને વર્તમાન સમયમાં મોબાઈલ વગર કે મિનિટ બાળકને પણ ચાલતું નથી તો પછી આ શખ્સો જુગાર રમવા માટે આવ્યા હતા ત્યારે તેના મોબાઈલ ફોન ઘરે મૂકીને આવ્યા હતા કે કેમ તે પણ તપાસનો વિષય છે. અને જો મોબાઈલ સાથે ન હતા તો જુદાજુદા વિસ્તારમાં રહેતા શખ્સો જુગાર રમવા માટે એક જ સ્થળે એકત્રિત થવા માટે એકબીજાના સંપર્કમાં કેવી રીતે આવ્યા હતા તે દિશામાં તપાસ કરવામાં આવે તેઓ કેટલીક ચોંકાવનારી માહિતી સામે આવે તેવી શ્ક્યતા છે.
