મોરબીના સુભાષનગરમાં ત્રણ ઘરમાં સોના-ચાંદીના દાગીના અને રોકડની ચોરી

મોરબી જીલ્લામાં તસ્કરો નાઈટ પેટ્રોલીંગ કરવામાં આવી રહ્યું છે અને તેના સીસીટીવીના વિડીયો પણ સામે આવે છે જો કે ,તે મુદે કોઈ ફરિયાદ નોંધાતી નથી તેવામાં મોરબીના રવપર રોડે આવેલ સુભાષનગર સોસાયટીમાં એક સાથે ત્રણ ઘરમાં તસ્કરો ત્રાટક્યા હતા. અને ઘરમાંથી સોના-ચાંદીના દાગીના સહિતના મુદામાલની ચોરી કરવામાં આવેલ છે. વધુમાં મળી રહેલ માહિતી મુજબ જયદીપભાઈ જીવાણીના ઘરમાંથી સોનાનું બ્રેસલેટ, ચેઇન, વીંટી, રોજગોલ્ડ બ્રેસલેટ અને ચાંદીના સાંકળા તેમજ રોકડની ચોરી કરવામાં આવેલ છે જો કે, પી.પી.બાવરવા ના ઘરમાં તાળા તોડીને બધુ વેર વિખેર કરી નાખ્યું હતું અને બ્રિજેશભાઈ સીતાપરાના ઘરનું તાળું તોડવાની કોશિશ કરી હતી આ બાબતે કોઈ પોલીસ ફરિયાદ રાબેતા મુજબ હજુ સુધીમાં નોંધાયેલ નથી.