મોરબી જિલ્લામાં રેલવેની આગામી ભરતી માટે નિઃશુલ્ક ઓનલાઇન અરજી કેન્દ્રો શરૂ કરાયા
SHARE
JOIN OUR GROUP
મોરબી જિલ્લામાં રેલવેની આગામી ભરતી માટે નિઃશુલ્ક ઓનલાઇન અરજી કેન્દ્રો શરૂ કરાયા
રોજગારવાંછુ ઉમેદવારો તેમના નજીકના સેન્ટર પરથી તમામ જાણકારી મેળવી શકશે
તાજેતરમાં ભારત સરકારના માર્ગદર્શન અનુસાર રેલવે મંત્રાલયના રેલ્વે રિક્રુટમેન્ટ બોર્ડ દ્વારા Centralized Employment Notification (CEN) No.08/2024 થી Group – “D” (Level-1) ની ભરતી અંગેની જાહેરાત પ્રસિદ્ધ કરવામાં આવી છે.ઉક્ત જાહેરાતમાં ૩૨,૪૩૮ જેટલી અલગ-અલગ ટેકનિકલ પોસ્ટ માટે ઓનલાઇન અરજી યોગ્ય પાત્રતા ધરાવતા ઉમેદવારો કરી શકશે.આ ઓનલાઇન અરજી કરવાની અંતિમ તારીખ ૨૨/૨/૨૫ સુધી રહેશે.જેને ધ્યાનમાં રાખતા જિલ્લા વિકાસ અધિકારી જે.એસ.પ્રજાપતિના માર્ગદર્શન અનુસાર મોરબી જિલ્લામાં યોગ્ય પાત્રતા ધરાવતા રોજગારવાંચ્છુ ઉમેદવારોને મહત્તમ રોજગારી મળે અને તેઓ સરકારી સેવામાં જોડાય તેવા શુભ આશયથી મોરબી જિલ્લા પંચાયત કચેરી દ્વારા મહત્તમ પ્રયાસ કરવામાં આવી રહ્યો છે. મોરબી જિલ્લામાં યોગ્ય પાત્રતા ધરાવતા ઉમેદવારો નિ:શુલ્ક ઓનલાઇન અરજી કરી શકે તે માટે કુલ ૩૫ કેન્દ્રો વિવિધ સ્થળોએ શરૂ કરવામાં આવ્યા છે.
જેમાં તાલુકા કક્ષાએ મોરબી, માળીયા, ટંકારા, હળવદ અને વાંકાનેર તાલુકા પંચાયત કચેરી- આ ૫ કેન્દ્રો ખાતે આગામી તારીખ ૩૧/૧/૨૫ ના રોજ સવારના ૧૦:૩૦ કલાકથી સાંજના ૬:૧૦ કલાક સુધી અરજી કરી શકશે.તેમજ ગ્રામ્ય કક્ષાએ નેકનામ, નેસડા ખાનપર, લજાઈ, સાવડી, ખાખરેચી, વવાણીયા, સરવડ, આમરણ, ખરેડા, ખાખરાળા, ઘૂંટુ, બગથળા, ભરતનગર, રંગપર, રાજપર, લાલપર, કોઠી, ઢૂવા, તીથવા, દલડી, પાડધરા, પીપળીયા રાજ, મેસરીયા, સિંધાવદર, જૂના દેવળીયા, ટીકર રણ, મયુરનગર, માથક, રણમલપુર, સાપકડા- આ ૩૦ ગામો ખાતે આગામી તા.ર૧/૨/૨૫ ના રોજ સવારના ૧૦:૩૦ કલાકથી સાંજના ૬:૧૦ કલાક સુધી ગ્રામ પંચાયત કચેરી પર ઉમેદવારો નિ:શુલ્ક ઓનલાઇન અરજી કરી શકશે.આ નિઃશુલ્ક અરજી કેન્દ્રોની વિગતવાર યાદી અત્રે જણાવ્યા મુજબની રહેશે. મોરબી જિલ્લાના રોજગારવાંછુ ઉમેદવારોને આ સેવાનો મહત્તમ લાભ મેળવવા માટે જિલ્લા પંચાયત મોરબી દ્વારા અનુરોધ કરવામાં આવ્યો છે
