મોરબી મચ્છુ-૨ તેમજ મચ્છુ-૩ યોજનાના કમાંડ વિસ્તારમાં વધારો કરવા મુખ્યમંત્રી સમક્ષ માંગ
Morbi Today
મોરબીના ટંકારામાં થયેલ હનીટ્રેપના આરોપીઓનો શરતી જામીન ઉપર છુટકારો
SHARE
JOIN OUR GROUP
મોરબીના ટંકારામાં થયેલ હનીટ્રેપના આરોપીઓનો શરતી જામીન ઉપર છુટકારો
મોરબીના ટંકારા તાલુકાના હરિપર ગામે અપહરણ કરી બળાત્કારના ગુનામાં ફસાવી દેવાની ધમકી આપી પાંચ લાખ પડાવી લેવાના ચકચારી હનીટ્રેપના આરોપી દિવ્યાબેન ઉર્ફે પુજાબેન રમેશભાઈ, હાર્દિક કિશોરભાઇ, વિપુલ રામજીભાઇ, રમેશભાઈ કાળુભાઇના શરતી જામીન મંજૂર કરાવતા વકીલ કાનજી એમ.ગરચર.
આ ગુન્હામા હરીપર ગામના ફરીયાદીશ્રીના મોબાઇલ ફોનમાં અગાઉ એક અજાણ્યા નંબર પરથી કોલ આવતા તે સ્ત્રી દેવુબેન ઉર્ફે પુજાબેનના સંપર્કમાં આવેલા અને તે પુજા સાથે પરીચય કેળવી તા.૧૭-૧-૨૫ ના રોજ પુજાને કારમાં મળવા ગયેલા ત્યારે છતર ગામ નજીક એક સ્વીફટ કારમાં પાંચ ઇસમો વિરુધ્ધ ફરીયાદીશ્રીનુ અપહરણ કરી, મારમારી બળાત્કારના કેશમાં ફસાવી દેવાની ધાકધમકી આપી કુલ રૂપીયા ૫,૦૦,૦૦૦ હનીટ્રેપ કરી પડાવી લીધેલ હોવાની ફરીયાદીએ તા.૧૯-૧-૨૫ ના રોજ ટંકારા પોલીસ સ્ટેશને ફરીયાદ જાહેર કરતા પોલીસે ગુનો નોધી આરોપીઓ વિરુદ્ધ કલમ ૧૧૫(૧), ૩૫૧(૨), ૩૦૮(૭), ૧૪૦(૩), ૬૧ મુજબનો ગુનો રજિસ્ટર કરવામાં આવેલ જે ગુનાની તપાસ દરમ્યાન ખાનગી રાહે હકિકત મળેલ કે, સદરહું ગુનામાં ઉપયોગ થયેલ સ્વીફટ કાર આરોપીઓ ટંકારા ઓવરબ્રિજના છેડે નવા બનતા શ્રીરામ પ્લાઝા કોમ્પ્લેક્ષ પાસેથી નીકળનાર છે.જે હકિકત આધારે પોલીસ તપાસમાં હતી.દરમ્યાન હકિકત વાળી સ્વીફટ કાર આવતા તેને રોકી તપાસ કરતા તેમાથી સંજયભાઇ ભીખાભાઇ ડારા (ઉ.વ.૨૪) રહે.ખેવારીયા તા.જી.મોરબી, હાર્દીકભાઇ કિશોરભાઇ મકવાણા (ઉ.વ.૨૭) રહે.નાની વાવડી તા.જી.મોરબી, દેવુબેન ઉર્ફે પુજા ઉર્ફે દિવ્યા રમેશભાઇ જાદવ (ઉ.વ.૩૪) રહે.ટંકારા જી.મોરબી અને રમેશભાઇ કાળુભાઇ જાદવ (ઉ.વ.૪૫) રહે. ટંકારા જી.મોરબીને રોકડા રૂપીયા-૫,૦૦,૦૦૦ અલગ અલગ કંપનીના મોબાઇલ ફોન નંગ-૫ રૂા.૨૩,૦૦૦, મારૂતી સ્વીફટ કાર રૂા.૩,૦૦,૦૦૦ અન્ય મુદામાલ કુલ રૂા.૮,૨૫,૫૦૦ નો મુદામાલ કબ્જે કરી આરોપીઓને પકડી પાડી આગળની કાર્યવાહી હાથ ધરી હતી.
ત્યારબાદ આ ગુનાની તપાસ દરમ્યાંન આરોપીઓ વિપુલ રામજીભાઇ, હાર્દીકભાઇ કીશોરભાઇ, દેવુબેન ઉર્ફે પુજા ઉર્ફે દિવ્યા રમેશભાઇ અને રમેશભાઇ કાળુભાઇની ધરપકડ કરવામાં આવતા આરોપીએ મોરબીના જાણીતા વકીલ કાનજી એમ.ગરચર મારફતે સેશન્સ કોર્ટ મોરબીમાં રેગ્યુલર જામીન દાખલ કરેલ અને મોરબી સેશન્સ કોર્ટ દ્રારા આરોપીના શરતી જામીન મંજૂર કરેલ જેમાં આરોપી તરફે મોરબીના જાણીતા વકીલ કાનજી એમ. ગરચર રોકાયેલ હતા.
