શાળાઓમાં શાળા પ્રવેશોત્સવ: મોરબીની રામકૃષ્ણ, જ્ઞાન જ્યોતિ અને એન.જી. વિદ્યાલયમાં ૪૧૫ બાળકોને પ્રવેશ
Morbi Today
મોરબીના નાની વાવડી ગામે કલેક્ટરે બાળકોની આંગળી પકડીને કરાવ્યો શાળા પ્રવેશ
SHARE
JOIN OUR GROUP
મોરબીના નાની વાવડી ગામે કલેક્ટરે બાળકોની આંગળી પકડીને કરાવ્યો શાળા પ્રવેશ
મોરબીમાં જિલ્લા કલેક્ટર કે.બી.ઝવેરીના અધ્યક્ષસ્થાને નાની વાવડી ખાતે નાની વાવડી કુમાર શાળા અને કન્યા શાળા તથા માધ્યમિક શાળાઓમાં નવા પ્રવેશપાત્ર બાળાઓને અંતરથી આવકાર આપવા માટે કન્યા કેળવણી મહોત્સવ અને શાળા પ્રવેશોત્સવ અન્વયે કાર્યક્રમ યોજાયો હતો. આ તકે કલેક્ટરે જણાવ્યું હતું કે, દરેક કન્યાઓને શિક્ષણ મળે અને કોઈ પણ બાળક શિક્ષણ વિના ન રહે તેવા હેતુ સાથે કન્યા કેળવણી મહોત્સવ અને શાળા પ્રવેશોત્સવ શરૂ કરાવ્યો હતો એ કાર્યક્રમની ફલશ્રુતિ આજે આપણે જોઈ શકીએ છીએ જેના કારણે ડ્રોપ આઉટ રેશિયામાં ઘટાડો થયો છે અને બાળકો હોંશે હોંશે શાળાએ આવતા થયા છે. આ કાર્યક્રમમાં મહાનુભાવોના હસ્તે બાળકોને શૈક્ષણિક કીટ અર્પણ કરવામાં આવી હતી અને દાતાઓનું સન્માન કર્યું હતું. નાની વાવડી ખાતે આંગણવાડીમાં ૨૮ બાળકો, ધોરણ ૧ માં ૮૨ બાળકો તથા ધોરણ ૯ માં ૬૨ બાળકોને પ્રવેશ આપવામાં આવ્યો હતો આવી જ રીતે કલેકટરે આંબાવાડી અને રાજપર પ્રાથમિક શાળા ખાતે પણ પ્રવેશોત્સવમાં હાજરી આપી હતી. આ કાર્યક્રમમાં જિલ્લા પંચાયતના સદસ્ય જયંતીભાઈ પડસુંબીયા, તાલુકા પંચાયતના સદસ્ય રમાબેન રૂપાલા, મદદનીશ પશુપાલન નિયામક ડો. એન.જે. ફળદુ, સહાયક માહિતી નિયામક પારુલબેન આડેસરા સહિતના હાજર રહ્યા હતા.
