મુસ્કાન વેલફેર સોસાયટી-મોરબી દ્વારા ગુરૂપૂર્ણિમા નિમિતે અનોખો સેવાયજ્ઞ

મુસ્કાન વેલફેર સોસાયટી-મોરબી દ્વારા ગુરૂપૂર્ણિમા નિમિતે વર્ષાઋતુમાં જરૂરતમંદ લોકોને ગરમા ગરમ ભજીયા પીરસીને અનોખો સેવાયજ્ઞ કરવામાં આવ્યો હતો.ગુરૂ પૂર્ણિમાના પાવન દિવસે મુસ્કાન વેલફેર સોસાયટી-મોરબી દ્વારા સરકારી રેનબસેરામાં રહેલા આશરે ૧૦૦ થી વધુ જરૂરિયાતમંદ લોકોને આ વરસાદની મોસમમાં ગરમા ગરમ ભજીયા જમાડી કંઈક અલગ રીતે ગુરૂપૂર્ણિમાની ઉજવણી કરવામાં આવી હતી.

વરસતો વરસાદ હોય ત્યારે ભજીયા કોને ન યાદ આવે ? કોને ખાવાનું મન ન થાય ? પણ બધાએ ઈચ્છા પુરી કરવા સક્ષમ ન હોય તેથી જ તેવા જરૂરતમંદ લોકો માટે આ આયોજન ઘડી કાઢવામાં આવ્યુ હતુ.આ સેવાયજ્ઞ સફળતાપૂર્વક સંપન્ન કરવા પાછળ સંસ્થાના તમામ સભ્યોનો સહકાર અને દાતા મિત્રોના આશીર્વાદ પણ મળ્યા હતા.આગામી સમયમાં પણ મુસ્કાન વેલ્ફેર સોસાયટી-મોરબી અનેક પ્રકારના સેવાપ્રકલ્પો યોજવા કટ્ટીબદ્ધ છે