હળવદ તાલુકામાં બાળક સાથે સૃષ્ટિ વિરુદ્ધનું કૃત્ય આચરનારા આરોપીને કોર્ટે ફટકારી 20 વર્ષની સખ્ત કેદની સજા મોરબી જિલ્લા પ્રાથમિક શિક્ષક સંઘના પૂર્વ પ્રમુખ મણિલાલ સરડવા નિવૃત થતાં વિદાય સમારોહ યોજાયો મોરબીના લાલપર પાસે કાર ચાલકે સુપર કેરી ગાડીને ઉડાવતા 210 પૈકી 150 મુરઘાંના મોત: વાહન ચાલકને પગમાં ગંભીર ઇજા માળીયા (મી)માં ઇનસ્ટાગ્રામ યુવતીને મેસેજ કર્યો હોવાનો વહેમ રાખીને યુવાનને ત્રણ શખ્સોએ માર માર્યો હળવદના ચરાડવા ગામે અગાઉના ઝઘડાનો ખાર રાખીને કાકા-કાકીને ત્રણ ભત્રીજાઓએ ધોકા વડે માર માર્યો: જાનથી મારી નાખવાની ધમકી વાંકાનેરમાં અગાઉ થયેલ બોલાચાલીનો ખાર રાખીને યુવાનને માર મારીને ટાંટિયા ભાંગી નાખવાની ધમકી વાંકાનેરના દીધલીયા ગામે ગંગોત્રી સ્ટોન ખાતે રિવર્સમાં આવેલ ડમ્પરના ચાલકે ખાટલા ઉપર સૂતેલા બાળકનું મોઢું ચિબી નાખતા મોત વાંકાનેરના કણકોટ ગામે આવેલ એલપીજી બોટલિંગ પ્લાન્ટના બે કર્મચારીઓએ 1.52 કરોડનો ગેસ બારોબાર વેચી નાખ્યો !

Breaking news

Morbi Today

મોરબીના ઘુંટુ પાસે વાહન અકસ્માતમાં ઘવાયેલ યુવાન રાજકોટ ખસેડાયો

11-09-2025 09:10 PM

મોરબીનો સામાકાંઠે ઘુંટુ રોડ હરીઓમ હોટલ પાસે થયેલ વાહન અકસ્માતમાં ઘવાયેલ રમણીકભાઈ હરીભાઈ ટુંડીયા (40) રહે. નઝરબાગ રોડ મોરબી-2ને અત્રેની સિવિલે લવાયા હતા. જયાં પ્રાથમિક સારવાર આપી વધુ સારવાર માટે રાજકોટ ખસેડાયા હતા.

જયારે થાનગઢના અમરાપર ગામે સનરાઈઝ વિસ્તારમાં રહેતા માનુબેન કાનાભાઈ ધરજીયા (63)ને ગામ પાસે મેલડી માતા મંદિર નજીક બાઈક સ્લીપ થતા સારવારમાં અત્રે ઓમ ઓર્થોપેડીક હોસ્પીટલે લવાયા હતા.

દવાની અસર થતા સારવારમાં

જોડીયાના પીઠળ ગામે રહેતા કમલેશ ગોપાલભાઈ નાયકા નામની 18 વર્ષના યુવાને બેચરભાઈની વાડીએ દવા પી લેતા સારવારમાં મોરબી લાવવામાં આવેલ હતો. માળીયા તાલુકાના મોટી બરાર ગામે હુંબલ શેરીમાં રહેતા કાજલબેન રણજીતભાઈ હુંબલ (31)ને દેશળાના રસ્તે ખેતરમાં દવા છાંટતા વખતે અસર થતા સારવાર માટે લવાયા હતા.

માળીયા મીંયાણાના જ જસાપર ગામે ખેતરે દવા છાંટતી વખતે અસર થતા પૃથ્વી ધીરૂભાઈ હુંબલ (21)ને ઝાડા-ઉલ્ટી થતા સારવારમાં મોરબી લાવવામાં આવ્યો હતો. તો ટંકારાના લજાઈ ગામે રહેતા બન્ટી યુવરાજભાઈ પંડીત (25)ને ધ્રુવનગર ગામે મારામારીમાં ઈજા થતા સારવાર માટે લાવવામાં આવ્યો હતો.

વાહન અકસ્માતે ઈજા

કચ્છ ભચાઉના લાકડીયા ગામના ઉદય બાબુભાઈ કોળી (15)ને બાઈક સ્લીપ થતા સારવાર માટે મોરબી લવાયો હતો. જયારે સેંટમેરી સ્કુલ પાસે વાહન અકસ્માતના બનાવમાં ઈજા થતા મેહુલ ધનજીભાઈ સુરેલા (30) રહે. માનસરને સારવારમાં સિવિલે લવાયો હતો. તો જેતપર રોડ ઉપર બાઈક આડે કોઈ પ્રાણી આડુ ઉતરતા બાઈક સ્લીપ થઈ જતા સતિષ ગુણાભાઈ ભીમાણી (30) રહે. હરીપરને સારવાર માટે લાવવામાં આવ્યો હતો.

મારામારીમાં ઈજા

મોરબી સો ઓરડી રામાપીર મંદિર પાસે રહેતા સામુબેન પ્રેમજીભાઈ ડાભી (80)ને ઘર પાસે મારામારીમાં ઈજા થતા સારવાર માટે સિવિલે લવાયા હતા. તો ખારચીયા ગામે વાડીએ દવા છાંટતી વખતે અસર થતા વેરસી મોહનભાઈ (32)ને સારવાર માટે મોરબી ખસેડાયો હતો.

તેમજ બાઈકની આડે કુતરૂ આડુ ઉતરતા માનીબેન નવલસિંગ વાઘેલા (26) રહે. પીપળીયા ચોકડીને સારવારમાં નક્ષત્ર હોસ્પિટલે લાવવામાં આવ્યા હતા. નાગડાવાસ ગામે તળાવ પાસે બાઈક સ્લીપ થતા ત્યાં રહેતા શાંતિલાલ બાબુભાઈ કટારા (22)ને સારવારમાં ખસેડાયો હતો.

યુવતી સારવારમાં

નાનીવાવડી ગામે શિવધારા સોસાયટીમાં રહેતી તબ્બુ રમેશભાઈ સિતાપરા (20)ને ઘરે પિતાએ માથામાં ઘડો મારતા સારવાર માટે સિવિલે ખસેડાઈ હતી. તો કૃષ્ણનગર (ગાળા) ગામે દવા પી ગયેલ જયપાલ ગોપાલભાઈ કોહલી (18)ને સારવાર માટે સિવિલે લવાયો હતો.

નાની વાવડી ગામે બજરંગ સોસાયટી પાસે મારામારીમાં રવિ જીતેન્દ્રભાઈ પાલા (29) અને કૌશિક જગદીશભાઈ નિમાવત (36) રહે. બજરંગ સોસાયટીને સારવાર માટે સિવિલે ખસેડાયા હોય પોલીસે નોંધ કરી તપાસ કરી હતી.

આધેડ સારવારમાં

માળીયા હાઈવે ઉપર બાઈક ચાલકે હડફેટે લેતા મનિષભાઈ વિનોદભાઈ સુખવી (55) રહે. કોટાઈ ગામ તા. ભુજ કચ્છને સારવાર માટે લઈ જવાયા હતા. તો વાંકાનેર વીસીપરામાં રહેતા ભરતભાઈ છગનભાઈ સેટાણીયાનું બાઈક ત્યાં આવેલ ફાટક પાસે સ્લીપ થઈ જતા સારવારમાં અત્રે લવાયો હતો