મોરબીમાં પોષણ ઉત્સવ-૨૦૨૫ અંતર્ગત પૌષ્ટિક વાનગીઓની જિલ્લા કક્ષાની સ્પર્ધા યોજાઈ
મોરબીમાંથી દેશી હાથ બનાવટની બંદૂક સાથે એક શખ્સ પકડાયો
SHARE
મોરબીમાંથી દેશી હાથ બનાવટની બંદૂક સાથે એક શખ્સ પકડાયો
મોરબીના વીસીપરામાં અમરેલી રોડ ઉપર આવેલ નળિયાના કારખાના પાસેથી પસાર થઈ રહેલ શખ્સને રોકીને પોલીસે ચેક કરતા તેની પાસેથી દેશી હાથ બનાવટની એક બંદૂક મળી આવી હતી જેથી કરીને પોલીસે 2,000 ની કિંમતનું હથિયાર કબજે કર્યું હતું અને આરોપીની ધરપકડ કરીને તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
મોરબી બી ડિવિઝન પોલીસની ટીમ પેલિંગમાં હટ્રોતી ત્યારે જગદીશભાઈ ડાંગર અને સંજયભાઈ રાઠોડને ખાનગી બાતમી મળી હતી કે મોરબીના વીસીપરામાં આવેલ અમરેલી રોડ ઉપર સૌરાષ્ટ્ર નળિયાના કારખાના પાસે એક શખ્સ કે જેને મરૂન કલરનું જેકેટ અને ગ્રે કલરનું પેન્ટ પહેરેલ છે તે દેશી હાથ બનાવવાની બંદૂક સાથે આટા ફેરા ત્યાં કરી રહ્યો છે જેથી પોલીસ તાત્કાલિક ત્યાં પહોંચી હતી અને સ્થળ ઉપર મળી આવેલ શખ્સને કોડન કરીને તેની પૂછપરછ કરવામાં આવતા તેનું નામ ઈબ્રાહીમભાઇ ઉર્ફે ડાડો હોવાનું સામે આવ્યું હતું અને તેની પાસેથી દેશી હાથ બનાવટની એક બંદૂક મળી આવતા પોલીસે 2000 રૂપિયાની કિંમતનું હથિયાર કબજે કર્યું હતું અને આરોપી ઈબ્રાહીમભાઇ ઉર્ફે ડાડો આદમભાઈ ચનાણી રહે. હાલ કાંતિનગર જુબેદા મસ્જિદની પાછળ મોરબી મૂળ રહે. બેલા આમરણ વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી હતી.