મોરબીના વેપારીને ચેક રીટન કેશમાં એક વર્ષ ની સજા, ૧૦ લાખનો દંડ
Morbi Today
મોરબીમાં હોસ્પીટલના કામ માટે આપેલ પૈસા પાછા ન આપનારને પૈસા વ્યાજ સહિત ચુકવવા અને એક વર્ષની કૈદની કોર્ટે સજા ફટકારી
SHARE
JOIN OUR GROUP
મોરબીમાં હોસ્પીટલના કામ માટે આપેલ પૈસા પાછા ન આપનારને પૈસા વ્યાજ સહિત ચુકવવા અને એક વર્ષની કૈદની કોર્ટે સજા ફટકારી
મોરબીમાં હોસ્પીટલના કામ માટે આપેલ પૈસા પાછા ન આપનારને કોર્ટે પૈસા વ્યાજ સહિત ચુકવવા અને એક વર્ષની કૈદની સજા ફટકારી છે.
ફરીયાદી રઘુવીરસિંહની ફરીયાદની ટુંકમાં હકીકત એવી છે કે, સામાવાળા કલ્પેશ નાગજીભાઈ બાવરવા અને ફરીયાદી રઘુવીરસીંહ વીજયસીંહ ઝાલા મીત્ર હોય અને બંને એકબીજાને સારી રીતે ઓળખતા હોય અને કલ્પેશને હોસ્પીટલના કામે પૈસાની જરૂરીયાત પડતા રઘુવીરસીંહે તેને વગર વ્યાજે રૂા.૩,૦૦,૦૦૦ આપેલ હતા.ફરીયાદી રઘુવીરસિંહએ આરોપીને રકમ આપ્યા બાદ અવાર નવાર રકમ માંગતા કલ્પેશે પરત આપેલ ન હોય જેથી રઘુવીરસિંહે પોલીસ ફરીયાદ કરવાનું કહેતા આરોપી કલ્પેશે તેની બેંકનો ચેક આપેલ.જે ચેક રઘુવીરસિંહએ પોતાના ખાતામાં વસુલવા નાખતા ચેક ખાતામાં પૈસા ન હોવાના કારણે પરત ફરેલ.જેથી ફરીયાદી રઘુવીરસિંહે કલ્પેશને તા.૨૫-૬-૨૪ એ નોટીસ મોકલાવેલ છતા આરોપીએ નોટીસનો કોઈ જવાબ આપેલ નહી કે રકમ પરત કરવાની કોઈ દરકાર લીધેલ નહી.જેથી ફરીયાદીએ કલ્પેશભાઇ વિરુધ્ધ ભારતીય વટાઉખત અધિનિયમની કલમ-૧૩૮ મુજબ ન્યાયીક કાર્યવાહી અર્થે તેમના વકીલ જે.ડી.સોલંકી મારફત મોરબી કોર્ટમાં ફરીયાદ દાખલ કરાવેલ હતી.
આ કેસ મોરબીના મહે.બીજા એડી.જયુડી. મેજીફ.ક.સાહેબની કોર્ટમાં ચાલતા આરોપી કલ્પેશને સમન્સ ઈસ્યુ કરતા તે કોર્ટમાં હાજર રહેલ અને કોર્ટ રૂબરૂ આ ગુનાનો ઈનકાર કરેલ બાદમાં નામ.કોર્ટ દ્વારા કોર્ટ કાર્યવાહી આગળ ચલાવેલ અને ફરીયાદ પક્ષનો પુરાવો નોંધેલ બાદમાં ફરીયાદ પક્ષ દ્વારા કરવામાં આવેલ તમામ દલીલ માન્ય રાખીને સાધનીક રેકર્ડ વંચાણે લઈ નામ.કોર્ટ દ્વારા કલ્પેશ નાગજીભાઈ બાવરવાને ૧ વર્ષની સાદી કેદની સજા ફટકારવામાં આવેલ.અને ફરીયાદીને વિવાદીત ચેકની બાકી નીકળતી રકમ રૂા.૩,૦૦,૦૦૦ ની ડબલ રકમ રૂા.૬,૦૦,૦૦૦ નવ ટકા વ્યાજ સાથે ફરીયાદીને વળતર ચુકવવાનો દંડ ફરમાવવામાં આવેલ છે અને કલ્પેશભાઇ આ વળતરની રકમ ભરવામાં કસુર કરે તો વધુ ૯૦ દિવસની સાદી કેદની સજા ભોગવવાનો હુકમ કરવામાં આવેલ છે.આ કેશમાં ફરીયાદી પક્ષે મોરબીના યુવા એડવોકેટ જે.ડી.સોલંકી, જયેશ પટેલ (બુડાસણા) રોકાયેલા હતા.સાથે મયુર ઉભડીયા, દીપક મકવાણા, પીન્ટુ પરમાર, વિરૂભા રાઠોડ, નિલેશ ચાવડા, હસમુખ ચાવડા, આરતી અમૃતીયા, જીતેન્દ્ર વાઢેર, હીના સાગઠીયા, વીરલ છનીયારા મદદમાં રહ્યા હતા.
