મોરબીની કોર્ટમાં ચાલી ગયેલ ચેક રીર્ટનના કેસમાં આરોપીને બે વર્ષની સજા, બમણી રકમનો દંડ
SHARE
JOIN OUR GROUP
મોરબીની કોર્ટમાં ચાલી ગયેલ ચેક રીર્ટનના કેસમાં આરોપીને બે વર્ષની સજા, બમણી રકમનો દંડ
મોરબીમાં રહેતા ફરીયાદી રાજેશભાઈ દેત્રોજા પ્રોપરાઈટર શ્રીજી કેમીકલ નામથી કાચની ભંગાર વસ્તુઓ દળીને ભુકો કરવાનું તથા કાચની ભંગાર વસ્તુઓ લે-વેચ કરવાનો ધંધો કરે છે જેથી આરોપીને આની જરૂર પડતા તેઓ ફરીયાદીના સંપર્કમાં આવેલ હતા આરોપીએ ફરીયાદી પાસેથી વેસ્ટ ગ્લાસની રૂપીયા ૨,૨૫,૭૫૦/- ની ઉધારથી ખરીદી કરેલ તે રકમ ચુકવણી કરવા પેટે આરોપીએ ફરીયાદીને કોટક મહિન્દ્રા બેંક સચીન બ્રાંચ નો ચેક નં. ૦૦૦૦૭૮ વાળો રૂપીયા ૧,૦૦,૦૦૦ નો તા. ૩૦/૦૧/૨૦૨૩ ના રોજનો સહી કરી ચેક ફરીયાદીને આપેલ હતો. જે ચેક ફરીયાદી બેંકમાં જમાં કરાવતા તે ચેક ફંડ ઈનસફીસીયન્ટના શેરા સાથે તા. ૩૧/૦૧/૨૦૨૩ ના રોજ પાછો આવેલ હતો જેથી ફરીયાદી એ ચેક રીર્ટન ની લીગલ નોટીસ વકીલ સાગર ફેફર મારફત રજી. એડી.થી મોકલેલ જે આરોપીને નોટીસ મળી ગયેલ તેમ છતાં આરોપી ચેક મુજબ ની રકમ ભરપાઈ કરેલ નહી જેથી ફરીયાદી દ્વારા આરોપી વિરૂધ્ધ ભારતીય વટાઉખત અધિનીયમ ની કલમ-૧૩૮ મુજબ કાર્યવાહી અર્થે તેમના વકીલ બળદેવ કાચરોલા મારફત મોરબી કોર્ટમાં ફરીયાદ દાખલ કરાવેલ હતી.
આ કેસ મોરબીના મહે. ચીફ જયુ. મેજી. સાહેબની કોર્ટમાં ચાલતા આરોપી વિરૂધ્ધ પ્રોસેસ ઈસ્યુ કરતા આરોપી કોર્ટમાં હાજર થયેલ અને તેઓના પ્લી તથા એફ.એસ. રેકર્ડ થયા પછી આરોપી કોર્ટમાં હાજર રહેલ ન હોય અને આરોપીને હાલના કેસની જાણ હોવા છતાં તેઓ જાણી જોઈને ફરીયાદી પક્ષના પુરાવા દરમ્યાન આરોપી ગેરહાજર રહેલ છે. અને તેમની ગેરહાજરી ને કારણે ફરીયાદીની ઉલટ તપાસનો હકક બંધ કરવામાં આવ્યો અને આરોપી તરફે ફરીયાદીની કોઈ ઉલટતપાસ કરેલ નથી. અને ફરીયાદ પક્ષનો પુરાવો નોંધેલ બાદમાં ફરીયાદ પક્ષ દ્વારા કરવામાં આવેલ દલીલ માન્ય રાખી અને સાધનીક રેકર્ડ વંચાણે લઈ આરોપી આફતાબ આલમ પ્રોપરાઈટર મુન્તા ગ્લાસ ને ધી નેગોશીયેબલ ઈન્સ્ટ્રુમેન્ટ એકટ ની કલમ ૧૩૮ ના ગુન્હા સબબ તકસીરવાન ઠરાવવામાં આવેલ અને બે વર્ષની સાદી કેદની સજા ભોગવવાનો હુકમ ફરમાવવામાં આવેલ હતો અને ચેકની બાકી નીકળતી રકમ ૧,૦૦,૦૦૦ ની ડબલ રકમ ૨,૦૦,૦૦૦ ચુકવવાનો દંડ કર્યો હતો અને દંડમાંથી ફરીયાદીને ફરીયાદવાળા ચેકની રકમ ફરીયાદની તારીખથી ચુકવણી તારીખ સુધીના વાર્ષીક ૯ % ટકા ના સાદા વ્યાજ સહિત ચુકવી આપવા તથા દંડ ભરવામાં કસુર થયેથી આરોપીએ વધુ ૯૦ દિવસની સાદી કેદની સજા ભોગવવાનો હુકમ કરવામાં આવેલ છે અને આ કેસમાં ફરીયાદી પક્ષના વકીલ તરીકે બળદેવ પી.કાચરોલા રોકાયેલ હતા.
