માળીયા (મી)ના ખાખરેચી ગામે ઘરમાં જુગાર રમતા 5 શખ્સોની 10,240 ની રોકડ સાથે ધરપકડ

માળીયા (મી) તાલુકાના ખાખરેચી ગામે રહેણાંક મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ઘરધણી સહિત કુલ મળીને પાંચ શખ્સો જુગાર રમતા મળી આવ્યા હતા જેથી પોલીસે 10,240 રૂપિયાની રોકડ કબ્જે કરી હતી અને આરોપીઓને પકડીને તેની સામે માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

માળિયા (મી) તાલુકા પોલીસની ટીમ પેટ્રોલિંગમાં હતી ત્યારે ખાખરેચી ગામે રહેતા કુંવરજીભાઈ પરસુંડાના મકાનમાં બહારથી માણસોને બોલાવીને જુગાર રમતાઓની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ઘરધણી કુંવરજીભાઈ અમરશીભાઈ પરસુંડા તેમજ રઘુભાઈ દિનેશભાઈ શંખેસરિયા, ગોપાલભાઈ અવાભાઈ ભોજવિયા, કિશોરભાઈ હરજીભાઈ મેવાડા અને સંજયભાઈ સોંડાભાઈ દેલવાડીયા રહે બધા ખાખરેચી વાળા જુગાર રમતા મળી આવ્યા હોય પોલીસે 10,240 ની રોકડ સાથે તેની ધરપકડ કરી હતી અને ગુનો નોંધીને આગળની કાર્યવાહી કરી હતી.