મોરબીમાં જુદીજુદી બે જગ્યાએથી દારૂની નાની 41 બોટલ સાથે બે શખ્સ પકડાયા

મોરબીના વજેપરમાં આવેલ મતવા ચોક પાસે અને ગાંધી સોસાયટીમાં ઘરમાં દારૂની જુદીજુદી બે રેડ કરી હતી ત્યારે દારૂની નાની કુલ મળીને 41 બોટલ પોલીસે કબ્જે કરી હતી અને બે આરોપીની ધરપકડ કરીને આગળની કાર્યવાહી કરી હતી.

મોરબીના વજેપરમાં આવેલ મતવા ચોક પાસે ગેબનશાપીરની દરગાહ નજીક દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની નાની 35 બોટલ મળી આવતા પોલીસે 4970 ની કિંમતનો દારૂનો જથ્થો કબજે કર્યો હતો અને આરોપી રસુલભાઈ હાજીભાઈ શાહમદાર (32) રહે. વજેપર મતવા ચોક ગેબનશાપીરની દરગાહ પાસે મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન તેણે આ દારૂની બોટલો જાવેદભાઈ રહે. વીસીપરા મોરબી વાળા પાસેથી મેળવી હોવાનું સામે આવ્યું હતું જેથી પોલીસે બંને સામે એ ડિવિઝન પોલીસ સ્ટેશન ખાતે ગુનો નોંધીને બીજા આરોપીને પકડવા માટે તજવીજ હાથ ધરી છે જયારે મોરબી ગાંધી સોસાયટીમાં રહેતા પ્રવીણભાઈ પરમારના રહેણાંક મકાનમાં દારૂની રેડ કરી હતી ત્યારે સ્થળ ઉપરથી દારૂની નાની 6 બોટલ મળી આવી હતી જેથી પોલીસે 558 રૂપિયાની કિંમતનો દારૂનો જથ્થો કબજે કર્યો હતો અને આરોપી પ્રવીણભાઈ ખીમજીભાઇ પરમાર (55) રહે. ગાંધી સોસાયટી મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે ગુનો નોંધાયો છે

વરલી જુગાર

વાંકાનેરની ઢુવા ચોકડી પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે હરજીભાઈ ભનુભાઈ માથાસુરીયા (42) રહે. હાલ ઢુવા ગામની સીમ વાંકાનેર વાળો વરલી જુગારના આંકડા લેતા મળી આવ્યો હોય પોલીસે 350 રૂપિયાની રોકડ સાથે તેની ધરપકડ કરી હતી અને તાલુકા પોલીસ સ્ટેશન ખાતે ગુનો નોંધાયો છે.