મોરબીમાં વિહાન રબારીના જન્મ દિવસની સેવામય ઉજવણી કરાઇ

મોરબી યંગ ઇન્ડિયા ગ્રુપના દેવેનભાઈ રબારીના ભાઈ દિનેશભાઈના દીકરા વિહાનનો જન્મદિવસ “આપવાના આનંદ” ના ભાવ સાથે ઉજવવામાં આવેલ હતો અને તેના જન્મદિવસ નિમિતે શહેરના 250 જેટલા સફાઈકર્મીઓને આમંત્રણ આપીને ગુજરાતી ફિલ્મ “લાલો” બતાવવામાં આવી હતી અને તમામને ભોજન પણ કરાવવામાં આવ્યું હતું તેમજ મોરબીના વંચિત અને ઝૂંપડપટ્ટી વિસ્તારમાં રહેતા અંદાજે 700 લોકોને ભોજન કરાવવામાં આવ્યું હતું. વધુમાં દેવેનભાઈ રબારીએ જણાવ્યું હતું કે, બાળકોને જો સાચા સંસ્કાર આપવા હોય તો તેમને બતાવવું પડશે કે જન્મદિવસ માત્ર પોતાની ખુશી માટે નહીં, પરંતુ બીજાના ચહેરા પર સ્મિત લાવવાનો અવસર છે.