મોરબીના બાયપાસ રોડે કાર ચાલકે એક્ટિવને હડફેટે લેતા ઇજા પામેલા આધેડ સારવારમાં

મોરબીમાં કંડલા બાયપાસ રોડ ઉપર ડીવાઇન પાર્ક સોસાયટીની સામે એક્ટિવાને કાર ચાલકે હડફેટે લેતા અકસ્માત થયો હતો જેમાં ઇજા પામેલા આધેડને સારવાર માટે લઈ ગયા હતા અને ત્યાર બાદ આધેડના દીકરાએ નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આગળની કાર્યવાહી કરેલ છે.

મોરબીના કંડલા બાયપાસ રોડ ઉપર કામધેનુ સામે મારુતિ નંદન એપાર્ટમેન્ટ બ્લોક નંબર 604 માં રહેતા સુજલભાઈ અશ્વિનભાઈ કાનાણી (20)એ કાર નંબર જીજે 36 એસી 3977 ના ચાલક સામે એ ડિવિઝન પોલીસ સ્ટેશનમાં ફરિયાદ નોંધાવી છે જેમાં જણાવ્યું છે કે કંડલા બાયપાસ રોડ ઉપર ડીવાઇન પાર્ક સોસાયટીની સામેની બાજુએથી ફરિયાદીના પિતા અશ્વિનભાઈ કાનાણી એક્ટિવા નંબર જીજે 3 એફએચ 6874 લઈને જઈ રહ્યા હતા ત્યારે કાર ચાલકે તેના એકટીવાને હડફેટે લેતા અકસ્માતનો બનાવ બન્યો હતો જે બનાવમાં ફરિયાદીના પિતાને ચેહરા, ડાબા પગમાં ફ્રેક્ચર તથા હાથે પગે અને શરીરે ઇજાઓ થયેલ હતી જેથી તેને સારવાર માટે લઈ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.