મોરબીના રંગપર નજીક અકસ્માત: ટ્રક ટ્રેલરની પાછળ ડમ્પર ઘૂસી જતાં કેબિનમાં ડ્રાઈવર ફસાઈ ગયો

મોરબી તાલુકાના રંગપર ગામ નજીક રસ્તા ઉપરથી પસાર થયેલા ટ્રક ટ્રેલરની પાછળના ભાગમાં આવી રહેલ ડમ્પર ટ્રક ટ્રેલરમાં અથડાયું હતું જેથી અકસ્માત થયો હતો અને ડમ્પરની કેબિનમાં તેનો ડ્રાઇવર ફસાઈ ગયેલ હતો જેથી અન્ય વાહનમાં દોરડા બાંધીને બોનેટને ખેંચીને ડ્રાઇવરને બહાર કાઢ્યો હતો અને ડ્રાઇવરને ઇજા થયેલ હોવાથી તેને સારવાર માટે ખસેડવામાં આવ્યો હતો અને આ બનાવની મોરબી તાલુકા પોલીસ સ્ટેશન ખાતે જાણ કરી હતી. 

મોરબીના જેતપર રોડ ઉપર આવેલ રગપર ગામ પાસે વિરાટનગરના પાટિયા પાસે રાત્રિના સમયે આગળ જઈ રહેલા ટ્રક ટ્રેલરની પાછળના ભાગમાં ડમ્પર અથડાયું હતું જેથી અકસ્માતનો બનાવ બન્યો હતો અને આ બનાવમાં ડમ્પરની કેબીનનો ભૂકો બોલી ગયો હોય ડમ્પરનો ચાલક તેમાં ફસાઈ ગયો હતો જેથી અન્ય વાહનમાં દોરડા બાંધીને ડમ્પરની કેબીનને ખેંચવામાં આવી હતી અને ત્યારબાદ ડમ્પરમાં ફસાયેલા ડ્રાઇવરને કેબિનમાંથી બહાર કાઢવામાં આવ્યો હતો અને તે ડ્રાઈવરને ઇજા થયેલ હોવાથી 108 મારફતે તેને સારવારમાં ખસેડવામાં આવ્યો હતો. અત્રે ઉલેખનીય છેકે, સોમવારની રાત્રે મોરબીના આમરણ ગામ પાસે ટ્રકની પાછળ ટ્રક અથડાતા અકસ્માત થયો હતો અને ત્યારે ટ્રકની કેબીનમાં ડ્રાઇવર ફસાઈ ગયો હતો તેવી જ રીતે મંગળવારની રાતે રંગપર ગામના વિરાટનગર પાસે ટ્રક ટ્રેલરની પાછળ ડમ્પર આથડયું હતું હતું જેથી અકસ્માત થયો હતો અને આ બનાવના લીધે થોડીવાર માટે જેતપર રોડ ઉપર ટ્રાફિક જામ થયો હતો ત્યારબાદ અકસ્માત થયેલા વાહનોને રોડ સાઈડમાં ખસેડીને રગપર ગામ પાસેથી જેતપર રોડ ઉપર ટ્રાફિકને કાર્યરત કરવામાં આવેલ હતો.