મોરબીના લાલપર ગામ પાસે બાઇક સાથે બાઈક અથડાતા માથામાં ગંભીર ઈજા થવાથી આધેડનું મોત

મોરબીના લાલપર ગામ પાસે આધેડ પોતાનું બાઈક લઈને ઉભા હતા ત્યારે પાછળથી આવી રહેલા બાઈકના ચાલકે તેઓને હડફેટે લીધા હતા અને અકસ્માત કર્યો હતો જે બનાવમાં આધેડને માથાના ભાગે ગંભીર ઈજા થઈ હોવાના કારણે તેનું મોત નીપજ્યું હતું ત્યારબાદ તેના મૃતદેહ ને પીએમ માટે મોરબી સરકારી હોસ્પિટલ ખાતે લાવ્યા હતા અને અકસ્માત મૃત્યુના બનાવની મોરબી તાલુકા પોલીસ સ્ટેશન ખાતે જાણ કરવામાં આવી છે

મોરબીના રવાપર રોડ પર આવેલ વર્ધમાન એપાર્ટમેન્ટમાં રહેતા સુરેશભાઈ ચતુરભાઈ દેત્રોજા (52) નામના આધેડ મોરબીના લાલપર ગામ પાસેથી ગઈકાલે મોડી સાંજના 8:30 વાગ્યાના અરસામાં બાઈક ઉપર ઉભા હતા ત્યારે પાછળથી આવેલા બીજા બાઈકના ચાલકે તેઓને હડફેટે લીધા હતા જેથી કરીને અકસ્માતનો બનાવ બન્યો હતો અને આ બનાવમાં સુરેશભાઈને ત્યાં પડી ગયા હતા અને તેઓને માથાના ભાગે ગંભીર ઇજા થઈ હતી જેથી તેનું મોત નીપજ્યું હતું ત્યારબાદ તેઓના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અકસ્માત મૃત્યુના બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે