મોરબીના મકનસરમાં ધંધા ખાર રાખીને યુવાન ઉપર કુહાડી વડે હુમલો

મોરબીના મકનસરમાં ધંધાનો ખારમાં મહેશ પરમાર ઉપર કુહાડી વડે હુમલો કર્યો હતો. અને ટ્રાન્સપોર્ટ પાર્સલના ફેરા બાબતે માથાકૂટ થઈ હતી. જેમાં ઇજા પામેલા યુવાનને રાજકોટ સિવિલમાં સારવાર માટે લઈ જવામાં આવેલ છે.

મોરબીના મકનસર ગામ પાસે આવેલ પ્રેમજીનગરમાં રહેતા મહેશ તળશીભાઈ પરમાર (૩૭) ઉપર ગઈકાલે રાત્રીના સાડા આઠ વાગ્યાના અરસામાં તે પોતે પોતાના ઘરે હતો ત્યારે સામેવાળા અનવરભાઈ, દેવશીભાઈ અને તેની સાથેના અજાણ્યા માણસોએ યુવાનની સાથે ઝઘડો કર્યો હતો અને કુહાડી વડે માર મારતા યુવાનને ઇજા થઈ હતી જેથી તેને રાજકોટ સિવિલ હોસ્પિટલમાં સારવાર માટે લઈ જવામાં આવેલ છે. અને ઇજા પામેલા યુવાનના જણાવ્યા મુજબ તે રીક્ષાથી ટ્રાન્સપોર્ટ પાર્સલના ફેરા કરે છે અને સામે વાળા પણ તે જ કામ કરતા હોય, ધંધા ખારમાં ઝઘડો થયો હતો. આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવેલ છે.