મોરબીમાંથી સગીરાનું અપહરણ કરનાર શખ્સનાં પિતાની ધરપકડ

મોરબીમાં ગેસ્ટ હાઉસ રોડ નજીક રહેતા પરિવારની સગીર દીકરીનું અપહરણ કર્યું હતું જેથી કરીને સગીરાના પરિવારજન દ્વારા એ ડિવિઝનમાં ફરિયાદ કરવામાં આવી હતી જે ગુનામાં પોલીસે આરોપીને પકડીને જેલ હવાલે કરેલ છે અને હાલમાં આ ગુનામાં સગીરાનું અપહરણ કરનારા શખ્સનાં પિતાની પોલીસે ધરપકડ કરી છે.

મોરબીમાં રહેતા પરિવારની સગીરનું અપહરણ કરવામાં આવ્યું હતું જેથી એ ડિવિઝનમાં ફરિયાદ નોંધાઈ હતી જેમાં જણાવ્યુ હતું કે, તેઓના ઘર પાસેથી તેની સગીર વયની દીકરીનું અજાણ્યા શખ્સ દ્વારા અપહરણ કરવામાં આવ્યું છે જેથી પોલીસે સગીરાને શોધવા અને આરોપીને પકડવા માટે તજવીજ શરૂ કરી હતી અને મોરબી એ ડિવિઝન પોલીસ સ્ટેશનના પીએસઆઇ સી.એસ.સૌંદરવા અને તેની ટીમે આરોપી ચિરાગ નરેશભાઈ મકવાણાની અમદાવાદ ખાતેથી ધરપકડ કરી હતી અને સગીરાને હસ્તગત કરી હતી ત્યાર બાદ આરોપીને કોર્ટમાં રજૂ કરીને જેલ હવાલે કરવામાં આવેલ હતો અને હાલમાં આ ગુનામા આરોપીની મદદ કરનારા તેના પિતા નરેશભાઈ રામદાસભાઈ મકવાણા (54) રહે. અમદાવાદ વાળાની ધરપકડ કરવામાં આવેલ છે. અને આગળની કાર્યવાહી કરવામાં આવેલ છે.