અનોખી ઉજવણી: મોરબીમાં દીકરાના જન્મ દિવસ નિમિતે મેડિકલ કેમ્પનું આયોજન

મોરબીમાં ડૉ હસ્તલેખા મેહતા (હસ્તીબેન) ના ૨૧૮ માં કેમ્પનું મોરબીની માધાપર વાડી કુમાર શાળામાં આયોજન કરવામાં આવ્યું હતું અને મોરબીમાં રહેતા દર્શનભાઈ ભટ્ટ અને રુચિતાબેનના દીકરા રુદ્રના જન્મ દિવસ નિમિતે આ મેડિકલનું આયોજન કરવામાં આવ્યું હતું ઉલેખનીય છે કે, છેલ્લા સાત વર્ષથી રુદ્રના જન્મદિને દર્દીઓને ફ્રી દવા અને સારવાર માટે તેના માટે મેડિકલ કેમ્પનું આયોજન કરવામાં આવે છે. જો દરેક માતા પિતા તેના સંતાનોના જન્મ દિવસની ઉજવણી આવી રીતે કરે તો બાળકોમાં નાનપણથી જ સેવાકીય પ્રવૃતિ પ્રત્યેનો લગાવ વધે તેમાં શંકાને કોઈ સ્થાન નથી. આ કેમ્પને સફળ બનાવવા માટે શાળાના આચાર્ય તુષારભાઈ બોપલીયા અને તેમના સ્ટાફે જહેમત ઉઠાવી હતી.